2
غير مصنف

التقديم على موديل 730 الستة ترنتا 2018 ومميزات ومساعدات جديدة


  • تم تحديد موعد بداية عمل ال 730 يوم ١٥ ابريل حتي ٢٣ يوليو لعام ٢٠١٨.


    ما هى  ال730(السته ترنتا) ومن يحق له التقديم ؟
    -هي إسترجاع جزء من الضرائب المدفوعه في العام السابق.
     

  •  لمن يحق التقديم عليها ؟
    -من حق أى شخص له كود عن العام السابق وشغل حالى التقديم على طلب ال730 ما عدا أصحاب الشركات.
     
  • ما هى الأوراق المطلوبة للتقديم ؟
  • 1-الكود عن العام السابق2-الكودتش فيسكالى لك ولكل أفراد عائلتك سواء مقيمين في مصر أو في إيطاليا (ممكن تطلع كوديتش فيسكالى لزوجتك وأولادك في مصر عن طريق ترجمة وتوثيق قسيمة الزواج والقيد العائلى .ثم تقديمهم مع صورة منهم لأى مكتب أجنسيا ديلا انتراتا agenzia delle entrate)3-صوره من عقد الإيجار أو التمليك مع إيصال دفع الإيجار أو صورة من البونيفكو اللى بتدفع بيه الإيجار عن طريق البنك

    4-كل الفواتير الطبية عن العام السابق بالإضافة إلى فواتير (سكونترينو) شراء الأدوية والأجهزة الطبية المثبت فيها الكودتش فيسكالى وكل الفواتير المدفوعة في المستشفيات من تحاليل لكشف لو تخطت قيمتهم الكلية 150 يورو.

    5-صوره من تأمين السيارة (الأسيكوراتسيونى) الورقة المكتوب فيها مقدار ما دفعته عن العام السابق.

    6-اوراقك الشخصية كالبطاقة والبيرميسو

    7-بيانات الشركة التي تعمل فيها حاليا والتي سيتم إرسال الفلوس عليها

    8-لو عندك طفل بيلعب لعبة معينة وبتدفعله إشتراك ليها ترفق فواتيرها

  • متى يتم الدفع ؟
    -مع قبض بوسته باجا شهر 7 او 8
    أو من الممكن تحويل الفلوس على حسابك فى البنك والقبض بيجيلك على 12 او 1
     
  • موديل ال730 لعام 2018 مغتربى مصر فى إيطاليا
    موديل ال730 لعام 2018 مغتربى مصر فى إيطاليا

مميزات كثيرة فى موديل ال730 لعام 2018 
عام 2018 هو بداية مبشرة جدا لعدة تعديلات ومميزات تضمنت موديل ال730 ،بدأت الحكومة تعرض المشاركة فى تحمل تكاليف التعليم للأبناء بشكل أكبر  يعنى دلوقتى الأجنسيا دي الإنتراتا زودت مصاريف اللي رجعالك من ٥٦٤ يورو الي ٧١٧ يورو لكل طالب أما بالنسبة لطلبة الجامعات بيكون في زيادة رجوع للمصاريف اللي بتصرفها حوالي ١٩٪؜ من ثمن إيجار شقة أو عرفة أو بيت شباب بتاع الجامعات للطالب و كمان لو ابنك او بنتك بتدرس في الجامعة و الجامعة تبعد في نفس المحافظة ب ٥٠كم ليك الحق لروجوع مصاريفها في ال ٧٣٠ بس لازم ما تكونش اكتر من ٢٦٣٣ يورو للاسرة في السنة .
فى جزأ أخر تم تطبيقه وهو  بداية من أول يونيو ٢٠١٧ اللي حصل علي عقد إيجار قصير مش أقل من شهر يحصل علي رجوع المصاريف في ال ٧٣٠ ب نسبة ١٠٠٪؜ و تسمي ( Cedolare secca e locazioni brevi ) ،أما بالنسبة للمصاريف الصحية  فالأول كان الدوا بس اللي بتشتريه بالروشتة من الصيدلية دلوقتى في كمان إسترجاع لمصاريف شراء الأغذية الخاصة بنسبة ١٩٪؜ من تمن الحاجة اللى بتشتريها بترجعلك فى حالة عمل موديل ال730 . فى جزأ تانى فى موديل ال730 ومعتقدش يهم الكتير مننا وهو  il bonus verde البونص الأخضر و ده بيكون علي مصاريف إنت صرفتها علي الجنينة بتاعه بيتك مثلا و حصل إنك دفعت بتحويل بنكي بيرجعلك 36% من المصاريف ،و كمان عملوا ديتراتسيوني مصاريف علي الحيوانات” يعني مثلا لو عندك قطة و تعبت ووديتها للدكتور و اشتريت علاج يبقي تاخد ١٩٪؜ من تمن الكشف و العلاج و مايكونش اكتر من ٣٨٧،٣٤يورو الإجمالى . 

  • ملاحظات هامة جداً
    -السته ترنتا مش لازم تقبض ممكن يطلع عليك فلوس في حالة إنك في العام السابق إشتغلت في أكثر من مكان أو بأكثر من عقد وتم في نهاية كل عقد دفع المستحقات.
    *ممكن للى عنده عائلة فى مصر يعملهم كودتش فيسكالى ويقدم برده على السته ترنتا.
    *الشباب الغير متزوج إذا لم تكن لديك شقة إيجار بإسمك وسيارة فنصيحة متقدمش علشان مش هتاخد حاجة.
    وأخيراً يُرجى إضافة أى سؤال بالتعليقات

مقالات ذات صلة

‫4 تعليقات

  1. السلام عليكم ورحمة الله . انا يا اخي تقدمت بطلب السته ترنتا لحد الساعة لم اتوصل بالنقود نحن الان في اواخر شهر مارس

  2. لو سمحت انا مصري متزوج من ايطاليه ومستنين مولود بعد شهرين عايز اعرف اسم المولود هيتكتب ازاي يعني هياخد الكونيومي بتاعي وبعدين بقيه الاسم ولا ازاي ياريت ترد عليا

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى
error: جميع الحقوق محفوظة لموقع مغتربى مصر فى إيطاليا

أنت تستخدم إضافة Adblock

برجاء دعمنا عن طريق تعطيل إضافة Adblock