أخبار عاجلة
الرئيسية / مواضيع هامة / الجنسية الإيطالية وشروط الحصول عليها “ملف كامل”

الجنسية الإيطالية وشروط الحصول عليها “ملف كامل”


يُعد الحصول على جنسية أوربية حلم من أحلام أغلب الشباب الغير اوروبيين والمقيمين بأوروبا

واليوم نخص بالشرح الجنسية الإيطالية الاوربية .

أولا: مين من حقه يحصل على الجنسية الايطالية عن طريق الإقامة ؟

  • المواطن الاوروبي … بعد إقامة 4 سنوات في إيطاليا
  • المواطن الغير أوروبي … بعد إقامة 10 سنوات في إيطاليا
  • من له أحد الاقارب من الدرجة الاولى او الثانية حصل على الجنسية نتيجة انه مواليد إيطاليا … بعد إقامة 3 سنوات
  • من تبناه مواطن إيطالي … بعد إقامة 5 سنوات بعد التبني
  • من ليس له جنسية او لاجيء … بعد إقامة 5 سنوات
  • من وُلد على الاراضي الايطالية من أبوين غير إيطاليين … بعد بلوغ سن 18 عام
    طبعا الاقامة هنا بتعني ريزيدنسا في إيطاليا . مش لازم تكون في نفس البلدية ممكن تكون في أكثر من مكان مفيش أي مشكلة . المهم يكون لك ريزيدنسا قانونية متواصلة حتى أما تنتقل من كمونة لأخرى . و لو حصل انقطاع يكون أقل من سنة على كل المدة . الانقطاع دا ممكن يتحسب حتى لو انت في ايطاليا و عامل ريزيدنسا في مكان و ساكن في مكان تاني , و الفيجيلي او الكمونة حاولت تتواصل بيك أكتر من مرة و ماعرفوش . مثلا مفروض انك اما تجدد البيرميسو تروح الكمونة و تعمل أدجورنامنتو او تحديث للبيانات , لو ما عملتش تحديث خلال 6 شهور من تاريخ نهاية البيرميسو ممكن الكمونة أوتوماتيكيا تلغي الريزيدنسا . في الحالة دي بترسل لك جواب انك تحدث بياناتك خلال 30 يوم , و لو ما حصلش بيلغوا الريزيدنسا.
    —– —– —–

ثانيا :إيه الاوراق المطلوبة للتقديم على الجنسية الايطالية ؟
1- البيرميسو و الباسبور و الكوديتش فيسكالي و الكارتا ايدنتيتا كلهم ساري المفعول
2- الكود او الريديتو لأخر ثلاث سنوات :
8500 يورو لكل عام في حالة شخص واحد
11500 يورو لكل عام لو معك زوجتك
و تضيف 550 يورو لكل طفل في حالة اذا كان معك ابناءك
طبعا الدخل بيتحسب عليك و على اولادك سواء طلبت لهم الجنسية هم كمان او لا مادام موجودين معاك في ايطاليا .
في ناس قدمت بأخر كود بس مش اخر تلاته كود و استلموا .
و ممكن بعد سنة او اتنين اما يردوا عليك يطلبوا منك اخر كود عشان يعرفوا وضعك الحالي .
3- شيرتيفكاتو ستوريكو دي ريزيدنسا و ستاتو دي فاميليا اي ريزيدنسا من الكمونة و دي اللي بتحدد بالظبط مدة اقامتك في ايطاليا و اماكن الاقامة
4- طابع دمغه ب 16 يورو
5- شهادة ميلاد مترجمة و موثقة : شهادة الميلاد الحديثة مختومة من وزارة الخارجية في مصر . تترجمها من مترجم معتمد من القنصلية الايطالية و توثقها . طبعا التوثيق بيتم عن طريق صاحب الشهادة او قريب من الدرجة الاولى معاه توكيل من صاحب الشهادة . مكتب الترجمة مايقدرش يوثق الشهادة لان مش من سلطته و ناس كتير اتعرضوا لنصب في الموضوع دا . القنصلية مش هتقف جنبك لو انت اتعرضت للنصب . لازم انت اللي هتجري و تشوف محامي عشان بس تثبت انك مظلوم وقتها . يبقى الافضل من دلوقتي تاخد بالك . صيغة التوكيل مرفقة مع البوست
6- شهادة الحالة الجنائية او الفيش : و دي تقدر تعملها في القنصلية و تعتمدها في وزارة الخارجية المصرية عن طريق القنصلية نفسها ( بس دي عيبها انها بتاخد وقت طويل ) او انك تعملها في القنصلية المصرية و تبعتها لقريب من الدرجة الاولى مع توكيل يختمها من وزارة الداخلية و الخارجية و يترجمها و يوثقها في القنصلية الايطالية . طبعا الفيش مدته 3 شهور عشان كدا الحل انك تاخد ميعاد توثيق الاول من القنصلية الايطالية و قبلها بفترة بسيطة تروح تعمله في السفارة المصرية و تبعته مع توكيل لاحد الاقارب .
دا موقع القنصلية الايطالية في مصر http://www.ambilcairo.esteri.it/…/traduzione_legalizzazione…
بيقول ان التوثيق لازم يتم عن طريق الشخص نفسه او توكيل لاحد الاقارب . صيغة التوكيل مرفق مع البوست تضيف له صورة الاقامة و الباسبور لصاحب التوكيل
7- وصل انك دفعت 200 يورو لوزارة الداخلية من أجل الاقامة . البولتينو موجود في البوسطة بإسم وزارة الداخلية على رقم حساب 809020 و الصورة مرفقة مع البوست
—– —– —–
ثالثا لو معاك الاوراق كلها تقدم إزاي ؟
أول حاجه لازم يكون عندك ايميل و حافظ الباسورد , و حتى لو نسيت الباسورد تقدر تعمل باسورد جديدة .
تعمل سكان لكل الاوراق اللي طلبناها حتى طابع الدمغة و تحفظها عندك على فلاشة او ايميل او الكمبيوتر .
التقديم تقدر تعمله بنفسك على الانترنت او عن طريق باتروناتو او مكتب سيندكاتو .
عشان تقدم بنفسك بتدخل موقع وزارة الداخلية https://nullaostalavoro.dlci.interno.it/Ministero/Index2
تسجل نفسك الاول على الموقع و تكتب إيميل و باسورد بتدخل بيهم بعد كدا عشان تكنتر على اوراقك .
لازم تدخل بياناتك بطريقة سليمة لانك مش بتقدر تعمل تعديل بعد كدا .
كل اللي انت بتعمله انك بعد ما تسجل نفسك بتطلب الموديل الخاص بالجنسية بعد ريزيدنسا 100 سنوات و تبدأ في ملئ الموديل اونلاين . دا الموديل http://www.prefettura.it/FILES/AllegatiPag/1199/ART.%209.pdf
لكن اللي بيحصل ان الموقع بيقسم الموديل على أكتر من صفحة بحيث تتأكد انك مليت البيانات كلها . و انت بتملا الموديل بيطلب منك في الاخر تضيف نسخة من اوراقك اللي عملت لها سكان قبل كدا . اخر خطوة بتكون حفظ الموديل على الكمبيوتر و بعد كدا تضغط على زر ارسال بحيث انك كدا تكون قدمت على الجنسية .

المفروض ان الرد بيكون خلال 730 يوم من تاريخ التقديم سواء بالموافقة او الرفض . لكن غالبا مش بيلتزموا بالكلام دا و ممكن يمر عليك سنين مش بس سنتين من غير رد .
الحل انك تبعت جواب مسجل للبريفتورا و اجباري انهم يردوا عليك خلال 6 شهور من استلامهم الجواب . ( و للعلم هوا دا اللي المحامي بيعمله و كدا تبقى وفرت فلوس المحامي ) الجواب بيكون عبارة عن صورة من إقامتك و الموديل دا كامل البيانات
www.trevisolavora.it/…/sollecito_cittadinanza-luglio2015.doc
او الصيغة دي :
Spett.le
Ministero dell’Interno
Dipartimento per le Libertà Civili e l’Immigrazione
Direzione Centrale per i diritti civili, la cittadinanza e le minoranze
Area IV – Cittadinanza
Via Cavour 6
00184 Roma
via fax: 06-46529614
OGGETTO: sollecito e messa in mora per concessione della cittadinanza italiana (art. 9 l. 91/92) ai sensi dell’art. 9 ter l. 241/1990
Rif. Pratica: K10
Con la presente,il sottoscritto/a_________________, nato/a il ______ a ________________e residente in via ______________________________ a ______________________________ (recapito telefonico___________________)
premesso che
– in data _____________ è stata presentata domanda di cittadinanza;
– l’art. 3 del D.P.R. 362/1994 (“Regolamento recante la disciplina dei procedimenti di acquisto della cittadinanza italiana”) prevede per la definizione del procedimento amministrativo oggetto dello stesso regolamento un termine di 730 giorni dalla data di presentazione dell’istanza;
– a tutt’oggi, non è arrivata alcuna risposta alla domanda in oggetto, rispetto alla quale nell’area dedicata al controllo della propria istanza sul sito del Ministero dell’Interno si legge:_____________________هنا بتكتب اللي بيظهر لك على الموقع اما تبحث عن البراتيكا _____________________________________”
– il termine di 730 giorni è decorso;
diffida
il Ministero dell’Interno – Dipartimento per le libertà Civili e l’Immigrazione -Direzione Centrale per i diritti civili, la cittadinanza e le minoranze affinché concluda il succitato procedimento di cittadinanza.
DATA
FIRMA
Allegato: copia titolo al soggiorno

أما يردوا عليك بالموافقة بتروح البلدية تحلف اليمين و تاخد الجنسية الايطالية .
ملاحظات بسيطة بخصوص الجنسية :
– أما تقدم على الجنسية لابنائك لازم يكونوا بيحضروا هنا في المدارس
– الاطفال المولودين في ايطاليا بيحصلوا على الجنسية فقط بعد تجاوزهم ال18 عام .
وحاليا جارى التصديق ع قانون حصول مواليد ايطاليا على الجنسية مباشرة بعد الميلاد.

– أي أوراق مزورة بتتحمل انت مسؤليتها حتى و ان كنت انت اللي اتنصب عليك

شاهد أيضاً

القيادة بدون رخصة في ايطاليا

ما هى عقوبة قيادة سيارة بدون رخصة فى إيطاليا ؟

القيادة من دون رخصه في ايطاليا لم تعد جريمة !! حتى عام 2016 ، كانت ...

استئناف المخالفات فى إيطاليا

طلب مسح مخالفة السير مجاناً من دون محامى

طلب مسح مخالفة السير مجاناً من دون محامى يمكن طلب إلغاء الغرامة من خلال تقديم ...

العلاج فى إيطاليا

العلاج فى إيطاليا لمن لا يملكون الإقامة القانونية

السلام عليكم ..  في موضوع اليوم نتكلم على طريقة لا يعرفها البعض من المهاجرين العرب ...

32 تعليق

  1. السلام عليكم اخي. ..تسلم ايدك على هذه المعلومات القيمه والمهمه .. بس انا عندي سؤال ..انا من مواليد ايطاليا عام1986 وناوي اقدم على الجنسيه الإيطالية. .بس انا حاليا بالعراق ومتزوج وعندي اطفال اثنين وناوي اروح الى ايطاليا واقدم انا والعائلة. ..ما هي الإجراءات التي يجب اتباعها..علما انا مقدم على فيزا الشجن وبانتظار النتيجه..واملك شهادة ولاده تم ارسالها لي عبر الايميل من الكمونه..
    شكرا جزيلا اخوك من العراق

    • حضرتك ليس لك الحق فى التقديم على الجنسية لان القانون كالتالى
      المولود لأبويين غير إيطاليين على الاراضى الإيطالية من حقه التقديم على الجنسية لبإيطالية عند بلوغه 18 عام ولديه مهلة للتقديم حتى بلوغه 19 عام اى سنة واحدة
      وبالتالى حضرتك مش هتاخد الجنسية . هتمشى فى اجراءات الفيزا وزيك زى أى زائر إلا لو تابعت مع اى محامى يقدر يفيدك اكتر

  2. عبد الحليم السباعي

    السلام عليكم ينفع ابن الأخ يعطيك الجنسيه انا اخويا إيطالي من 30 سنه علشان موجود ايطاليه و شكرا لكم

  3. عبد الحليم السباعي

    السلام عليكم انا invalido باخد معاش289 ويشتغل مرتب شهري 230 ينفع أقدم على الجنسيه مع الشكر

  4. محمد علم الدين

    سيدي الفاضل انا قدمت كل الاوارق وطلع عندي تزوير في الفيش من مصر الوضع معايا ايه

  5. السلام عليكم لو سمحت انا اقامه مع والدي تالت سنين وهو هيقدم ع الجنسيه ينفع يضفني معاه ف الطلب مع العلم انا سني حاليا 23 سنه ارجو الافاده ولو مش هينفع امتي اقدر اقدم عليها

  6. متزوج ايطالية و مقيم معها خارج إيطاليا و لى الحق فى التقديم بعد سنتين زواج داخل إيطاليا أو ثلاث سنوات فى حالة الإقامة خارج ايطاليا عندى مشكلة فى القيد العائلى لأن طريقة البيانات فيه غير ما تطلبه السفارة و لكن هذا هو القانون فى مصر و السفارة مصممة ..هل يحق لى التقديم داخل إيطاليا بدلا من السفأرة فى القاهرة ؟ و هل القيد العائلى وثيقة أساسية أم يمكن عدم طلبها؟

  7. شكرا على المجهود الرائع انا عندى أقامه 10 سنين بس الريسدنسا سقطت وأختى معاها الجنسيه هيا وأولادها ينفع أقدم عليهم ولا ايه الحل

  8. متابعة للتعليق السابق انا تزوجتها و طلقتها قم تزوجها مرة اخرى والقيد العائلى طبقا للنظام فى مصر ذكر حالة الزواج الأولى فقط والسفارة مصممة انهم لازم يذكروا الحالة التانية و كل طرف مصمم على موقفه ..ما الحل؟

  9. انا زوجى معاه الجنسيه والاولاد مولودين في ايطاليا وكان معاهم المفتوحه مع باباهم واما جيه يستلم اخدوا الاقامات بتاعتهم وهما مقيمين في مصر يعنى بيتعلموا في مصر وطبعا اما جي يقدملهم رفضوا لانهم مش في مدارس هناك وحاليا في حلين اما انى اخد الحنسيه انا الاول وهما بالتالي يخدوها من الام حتى لو هما في مصر لانى ساعتها اعمل رزيدنسا في مصر اما ان يقدم لنا هنا كلنا في مصر ودة بيتطلب ان يغير مكان الريزيدنسا بتاعته الي مصر وهو خايف لانه بيشتغل وبيدفعله تامينات وحقوق دة السمعناه هل في حل وهل الكلام دة صحيح شكرا

  10. لو سمحت كنت عايز اسال علي حاجتين بالنسبة للضم العائلي للزوجة
    الأولي. شهادة الميلاد والقيد العائلي المفروض يتوثقو منين قبل ما اصدق عليهم فوزارة الخارجية؟
    الثانية. القيد العائلي الزوجة هي الاي بتعملو ولا الزوج لأني روحت السجل المدني عشان اعملو انا الزوج قالولي لازم اعمل انا قيد عائلي كامل ليا انا شامل اب وأم وأخوات وبعدها اعمل قيد عائلي فردي ليا انا الاي بيكون فيه الزوجة الاي عايز اعملها طلب الضم فالسفارة

    • الشهادات بيتم عمل الخطوات التالية بالترتيب
      استخراج
      توثيق فى الخارجية
      ترجمة
      توثيق فى القنصلية الإيطالية

      أما بالنسبة للسؤال التانى
      ف الزوج أو الزوجة يقدروا يطلعوا قيد عائلى وبيظهر اسم الزوج أو الزوجة فيه عادى

      • السلام عليكم اولا الف شكر علي المجهود والمعلومات الجميله دي سوالي لحضرتك ينفع لاب معاه الجنسيه الايطاليا انه يجيب زوجته والاولاد ايطاليا علشان ياخدو الجنسيه عليه بس اول مره يدخلو ايطاليا ولو ينفع يعنل ايه بالنسبه للاوراق الف شكر.

  11. السلام عليكم بالنسبه للتوثيق فى القنصلية الايطاليه فى مصر ينفع لو اخويا معاه جنسيه ايطاليه يوثق ليا الأوراق مباشره من غير أخذ ميعاد أصل مافيش مواعيد خالص

  12. لي صديق قدم على الجنسية ومعه رزيدنسا ٨ سنوات ما الذي سيتم التصرف معه ؟

  13. السلام عليكم بالنسبة لمدة العشر سنوات للتقديم على الجنسية لو انا مقيم فى ايطاليا وشغال اكتر من عشر سنوات المدة دى مش ممكن تتحسب بالبرمسو ولا لازم الرزدنسا

  14. السلام عليكم انا محتاج اتواصل معاكو عشان انا محتاج كتاب تعليم الرخصة الإيطالية ممكن

  15. السلام عليكم, جدتي لديها جنسية ايطالية وهي متوفية الان وامي متوفية وليس لها جنسية ايطالية هل لي الحق في الجنسية الايطالية

  16. السلام عليكم, محتاج الى هذه الاجابة من فضلكم وارجو منكم الرد, جدتي متوفية ولديها جنسية ايطالية وامي متوفية وليس لديها جنسية ايطالية هل بامكان الحصول على الجنسية الايطالية

  17. السلام عليكم
    انا زوجى معاه الجنسيه الإيطالية وأعيش فى إنجلترا
    وقدمت على الجنسيه من على النت من ٧ شهور
    وانا بدخل على الموقع مبلاقيش k/10 طلعت
    وانا متزوجه من ٢٠٠٧ وعندى طفلين يحملو الجنسيه الإيطالية

    ايه العمل من فضلك

  18. السلام عليكم
    مشكور اخي على المجهودات
    انا شاب من مواليد 1993 بايطاليا عشت 03 سنوات فقط بميلانو وبعدها رجعنا الى الجزائر….. والديا مطلقان وابي حاليا لديه الجنسية الايطالية ومقيم بها …. من فضلكم هل استطيع الحصول على الجنسية ؟ او ما هي الطرق للحصول عليها علما انني بالجزائر؟ او ماذا يجب ان افعل للحصول على الجنسية الايطالية وشكرا

  19. ينفع اقدم على الجنسية . علما ان معايا الاقامة المفتوحة ، حديثة ، وخالى مقدم على الجنسية علما انه خالى وعَمَى والاسم الرابع والخامس عنده هو نفس الاسم يعنى من عائلة واحدة ، علما انه معه الاسرة لكن هو فقط الى مقدم على الجنسية . هل اقدر اقدم عليها من خلاله لو ردو علية بالموافقة وشكرا

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

error: جميع الحقوق محفوظة لموقع مغتربى مصر فى إيطاليا