أخبار عاجلة
الرئيسية / مواضيع هامة / أوراق القنصلية المصرية / شهادة التحركات لطالبى فيزة إيطاليا “الشنغن” عن تجربة شخصية

شهادة التحركات لطالبى فيزة إيطاليا “الشنغن” عن تجربة شخصية

إيه هى شهادة التحركات:
ودي ورقة بتقول انتا كنت فين في آخر 7 سنين ، ودي من ضمن الورق المطلوب عشان فيزة إيطاليا السياحية (أول مرة)، يعني السفارة هيا اللي بتطلبها.
هام جدا: لو السفارة مطلبتهاش متعملهاش.

الخطوات:

  • بتطلع من مجمع التحرير، مواعيده من السبت للخميس من الساعة ٨:١٥ … نصيحة متروحش بدري عن كدا عشان هتلبس في طابور وحش يعني تبقى هناك ٩ مثلا.
  • الورق المطلوب: صورة بطاقة شخصية سارية، صورة أول صفحة في الباسبور (في مكان تصوير في الدور الأرضي جوا المجمع بس زحمة).. والصفحات اللي فيها فيزا تانية لو عندك يعني .
  •  تطلع الدور التاني، الباب اللي على الشمال .. هتلاقي امين كدا معاه استمارة مجانية كدا ( في الصور ) ، أملاها .. وتروح على شباك رقم ٦ دا بتاع السفارات( في شباك ٣ دا بتاع التجنيد ملناش دعوه بيه )، خد معاك قلم عشان تنجز .
  • بالنسبة للاستمارة واللي هيا عبارة عن طلب بتقدمه لازم تذكر السفارة اللي هتقدمه ليها ، وتكتب المدة اخر ٧ سنين من ٢٠١٠ ل ٢٠١٧ (دا الdefaultاللي السفارات عاوزاه ) لو عاوز اكتر عادي، بتكتب مثلا من ٢٠٠٨ ل ٢٠١٧ وبتدفع فلوس اكتر.
  • بتسلم صورة البطاقة والاستمارة وصورة الباسبور على الشباك وتاخد ورقة تدفع بيها في الخزنة في نفس الدور (١٣ جنيه).
  • بتاخد الوصل من الخزنة وترجع شباك ٥ تسلمه مع باقي الوصل وتاخد ورقة تستلم بيها بعد ٣ ايام عمل رسمي والموظفة كتبتلي المستندات المطلوبة عشان استلم الشهادة (في الصور).

الموضوع كله على بعضه خد ٤٥ دقيقة، بالتوفيق للجميع

 

شاهد أيضاً

دول فيزا الشنجن

كيف تحصل على فيزا الشنجن لدخول 26 دولة أوروبية “تقرير شامل”

بقلم د/أحمد محمد يعني ايه فيزا الشنجن ؟ الفيزا الشنجن دي عبارة عن فيزا مُجمعه ...

الدليل التاريخي للهجرة والشغل برا مصر

إزاي تهاجر مهما كان وضعك في مصر ؟؟ أولا ” الطلاب ”  ========================= لو إنت ...

الأوراق المطلوبة لعمل شهادة الميلاد للمولود فى السفارة المصرية بإيطاليا

سيتم شرح تباعاً المطلوب لإستخراج مجموعة من الأوراق الهامة من السفارة المصرية فى إيطاليا  ونبدأ ...

2 تعليقان

  1. ايمن عبد الله

    هل لو انا معايا أقامه مفتوحة وبشتغل مهندس مدني في مصر ممكن الاقي شغل في ايطاليا كمهندس وهل ده سهل ومجزى ولا لا

  2. عمرو نور الدين

    انا بشتغل في السعودية هل لو سافرت ايطاليا حلاقي فرصة عمل

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

error: جميع الحقوق محفوظة لموقع مغتربى مصر فى إيطاليا