أخبار عاجلة
الرئيسية / مواضيع هامة / كل ما يخص الإقامة المفتوحة فى إيطاليا فى سؤال وجواب ” ملف كامل”

كل ما يخص الإقامة المفتوحة فى إيطاليا فى سؤال وجواب ” ملف كامل”


  • السلام عليكم

    هنتكلم النهارده عن الاقامه المفتوحه
    طبعا احنا شرحناها قبل كده وقلنا الأوراق المطلوبه لكن النهارده هنشرحها بشكل مختلف شويه عن طريق عرض المشاكل وحلولها
    —————-
  • أولا:شروط الحصول على الاقامه المفتوحه
    1-استكمال الأوراق المطلوبه
    2-خمس سنين كاملين من تاريخ صدور اول أقامه
    3-اجتياز اختبار اللغه الايطالى –
    ———————————–
  • ثانيا:الاوراق المطلوبه
    1-اوراقك الشخصيه بيرميسو قديم جواز سفر كودتش بطاقه
    2-اتشيرتيفكاتو دى ريزيدنسا كون استاتو دى فامليا
    3 -كود على الأقل 5800 واخر 2 بوستا باجا
    4-كونتراتو اونى لاف للى معاه عقد عمل بعد شهر 11لسنه 2011 او كونتراتو دى سودجورنو للى قبل كده
    5-ظرف البوسطه ب 30 يورو  غير 30 يورو تمن التيسرا الممغنطة و ماركا دابوللو ب 16 يورو
    ———————————————————————–
  • ثالثا :أوراق بتنطلب غير السابقه
    الأوراق المطلوبه غير الأوراق السابقه هي للأسف بقايا القوانين السابقه لسه متسجله على النت وساعات بعض الموظفين بيطلبوها نظرا لانها مكتوبه لكن حسب اخر تعديل للقانون هي اتلغت لكن هنقولها لانها زى مقولنا مكتوبه في الطلبات
    1-الاولى الورقه اللى بتخلصها من الاوفيتشو تكنك بعدد الريزيدنسات في الشقه(· Certificato d’idoneità dell’alloggio
    ودى مش مطلوبه لان المفروض انك طالما عملت ريزيدنسا فانت عامل الورقه دى لكن ساعات بيطلبوها
    2-اتشيرتيفكاتو دى التريبوونالى(Certificati del Tribunale
    دى اللى بتطلعها من البروكورا اللى هي زى الفيش ودى المفروض انها اتلغت من 2011 لكن في بعض الناس طلبوها منها
    ———————————————————————-
  • رابعا :اسئله واجوبه خاصه بالاقامه المفتوحه وتجديدها
    1-التقديم على الاقامه المفتوحه بعد خمس سنين ريزيدنسا ولا اقامه؟
    الاجابه خمس سنين من تاريخ صدور اول أقامه وده حسب اخر تعديل لسنه 2007
    ***************************************
    2-الاقامه المفتوحه بتتجدد ولا لا؟
    الاجابه:الاقامه المفتوحه مبتتجددش لكن بيتعملها ادجورنا يعنى تجديد صوره كل خمس سنين ولان في داخل منطوق القانون مكتوب كل خمس سنين يجب تجديد الصوره في ناس من الموظفين اعتبرت التجديد اجبارى وناس اعتبرته اختيارى لكن الموضوع بيرجع للموظف ووجهه نظره في تفسير القانون من رايي انا عليك كل خمس سنين سته التقديم لتجديد الصوره وده مبيطلبوش غير الصوره والجواز والاقامه القديمه وحوالى 70 يورو
    ——————————————————
    3-انا استلمت الاقامه وبعد ماستلمتها لقيت اسم غلط او عندى حرف ناقص او غيرو النومى والكونيومى ؟
    الحل :لو اكتشفت الغلط قبل 300 يوم من تاريخ الاستلام ترجع بالاقامه للكستورا وهما هيصلحو من غير فلوس ولا مشاكل
    لو بعد 300 يوم يبقى لازم أولا تطلع شهاده من القنصليه المصريه ان الاسم في جواز سفرك هو نفس الاسم الغلط في الاقامه بتدفعله حوالى 30 يورو وتستلمه في نفس اليوم وبعد كده تاخد الطلب ده وتروح البريفتورا ومعاك مارك دى بولو ب 16 يورو وتختمه وتقدم طلب جديد في البوسطه بيكلفك حوالى 70 يورو زى طلب الادجورنا مش مطلوب له اى أوراق لا شغل ولا بوسط
    *********************************
    4-انا استلمت الاقامه المفتوحه ليه وقت اد ايه اقدر اسيب فيه إيطاليا من غير مشاكل؟
    الاجابه:قانونا ملكش اكتر من سنه لكن طبعا في ناس بتقعد اكتر ومبيحصلش مشاكل مش معنى كده انهم قانونى لكن حظ
    ————————————————–
    5-انا استلمت الاقامه المفتوحه ممكن اقدم لمراتى واولادى على طول؟
    الاجابه:بالنسبه للأولاد تحت 18 سنه مافيش مشكله تقدملهم وهيستلمو أقامه مفتوحه على اقامتك لكن الام حسب اخر تعديل للقانون بقى اجبارى تكمل خمس سنين هي كمان بالاضافه لامتحان اللغه
    —————————————————
    6-انا قدمت على الاقامه المفتوحه وبعد مقدمت اتفصلت من الشغل ؟
    الاجابه:رسميا انت مش هيحصلك مشكله الا اذا صاحب الشغل عمل بلاغ فيك غير كده هتستلم من غير مشاكل بامر الله
    ——————————————–
    7-انا عندى مشكله ومعمولى قضيه؟
    الاجابه:فقط القواضى اللى بتخص القتل والاغتصاب والتزوير هي اللى بتمنع استلام الاقامه او القواضى اللى خدت يها حكم وعمتا اى قضيه تقدر ببساطه تشوف محامى وتعمل مصالحه وهتستلم بامر الله لو المصالحه اتوافق عليها
    —————————————————
    8-انا قدمت على الاقامه بعقد وبوست بفلوس تبع واحد وهو مبيدفعش ضرايب؟
    الاجابه:لو البوست مش مزوره يعنى مبيدفعش لكنها سليمه مش هيحصل مشاكل لكن لو مزوره بيكون انت وحظك يا يطلبو منك عقد وورق جديد يا يسلموك أقامه كبدون عمل
    —————————————
    9-انا قدمت على الاقامه ودفعت الفلوس وبعد كده سلمونى أقامه عاديه ممكن استرجع الفلوس؟
    الاجابه : لا مش من حقك
    ——————————-
    أتمنى نكون جاوبنا على معظم الاسئله اللى بتشغل الناس
    ولو عند حضراتكم اى اسئله تانيه ممكن تسألونا فى الكومنتات تحت الموضوع مباشرة
    وانتظرونا فى موضوع يشرح الإقامات فى إيطاليا بأنواعها الكاملة 

شاهد أيضاً

القيادة بدون رخصة في ايطاليا

ما هى عقوبة قيادة سيارة بدون رخصة فى إيطاليا ؟

القيادة من دون رخصه في ايطاليا لم تعد جريمة !! حتى عام 2016 ، كانت ...

استئناف المخالفات فى إيطاليا

طلب مسح مخالفة السير مجاناً من دون محامى

طلب مسح مخالفة السير مجاناً من دون محامى يمكن طلب إلغاء الغرامة من خلال تقديم ...

العلاج فى إيطاليا

العلاج فى إيطاليا لمن لا يملكون الإقامة القانونية

السلام عليكم ..  في موضوع اليوم نتكلم على طريقة لا يعرفها البعض من المهاجرين العرب ...

2 تعليقان

  1. انا عندي كارت مفتوح كنت اعمل والشركه قفلت وأصبحت اكوباتو والامز يدفع البطاله لمده سنتين اريد اجدد صوره المقارنه ولكن خايف الكستوره تلغي الكارت المفتوح وتعطيني برمسو عادي بسنتين.
    ماذا افعل وشكرا.

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

error: جميع الحقوق محفوظة لموقع مغتربى مصر فى إيطاليا