2
مواضيع هامة

إزاى تسافر 5 دول أوروبية ب100 يورو فقط !

موضوعنا إنهاردا قوى جدا ..
عمرك فكرت تلف أوروبا ؟
طبعا جوابك بيكون وهو حد يكره بس  تذاكر السفر جوه أوروبا مكلفة للأسف .
طيب لو قولتلك إنك ممكن تلف 5 دول أوروبية تختارهم إنت ب100 يورو بس !
والله الكلام دا حقيقى جدا جدا …
لو أى حد مسافر أو عايش فى أوروبا وحابب يتفسح فى كذا بلد بس ميصرفش كتير فى طريقة ممكن تسافر بيها 5 دول فى اوروبا ب 100 يورو !
اللى عايش فى أوروبا أو اللى لسه هيسافر أوروبا فى شركة نقل مشهورة جدا إسمها flixbus دي شركة أتوبيسات بتتنقل بين دول اوروبا كلها ،إنت بتحجز التذكرة من على الموقع بتاعهم أو الابليكيشن “هنرفقهم فى آخر الموضوع” و بتدفع أونلاين و التيكيت بيتبعتلك على الإيميل بتاعك .

طيب أنا إستفدت إيه من الموضوع دا !
الفكرة إن التذكرة منفردة أصلاً فى أوروبا على flixbus من بلد لبلد سعرها غالى يعني مثلاً إنك تسافر من باريس ل برشلونة التذكرة بحوالى 60 يورو وإنك تسافر من برشلونة لأمستردام  برده هتدفع حوالى 60 يورو.
يبقى الحل الأمثل لو ناوى تلف فى أوروبا هى تذكرة الخمس دول .

إزاى بقى تسافر 5 دول ب 100 يورو بس ؟
فى حاجه إسمها interflix ودي إنت بتدخل على موقع flixbus بتختار interflix وبتشترى voucher ب 99 يورو و بتدفع تمنه أونلاين ،بعد كده بيتبعتلك على الإيميل رقم ال voucher بتاعك اللى إنت إشتريته ،الvoucher ده بيديك 5 رحلات لأي بلد إنت عايز تسافرها الرحلة الواحدة ب 20 يورو.

كل مرة عايز تحجز فيها بتدخل من خلال الابليكيشن بتاعهم تختار البلد و اليوم و الميعاد المناسب ليك و تحجز و تيجي عند الدفع بيكون مكتوب ثمن الرحلة الحقيقي -مثلا 60يورو- بتدخل رقم الvoucher بتاعك بيخلى ثمن الرحلة زيرو يورو و مجرد ما تحجز بينقص من الvoucher بتاعك رحلة لحد ما تستخدم ال 5 رحلات.

ملحوظة هامة  : الرحلات اللى بتكون على ال voucher بتكون مباشر يعنى مينفعش تختار رحلة فيها  تغيير أو سكالو يعني تنزل بلد وتركب منها للبلد اللى رايحها
هي بتكون رحلة واحدة مباشر

ده اللينك اللى بتشتري من عليه ال voucher
https://interflix.flixbus.com/
وده لينك الابليكيشن نفسه
https://www.flixbus.com/service/bus-app

ولو شايف الموضوع دا مفيد متنساش تعمل شير وتقول لأصحابك .

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى
error: جميع الحقوق محفوظة لموقع مغتربى مصر فى إيطاليا

أنت تستخدم إضافة Adblock

برجاء دعمنا عن طريق تعطيل إضافة Adblock