2
إيطالياالتعليم فى إيطاليا

تجربة بدأ الدراسة في إيطاليا بعد الثانوية العامة في مصر

الكلام ده على لسان باشمهندس محمد يوسف Mohamed Yousef هو حاليا طالب بكالوريوس بكلية الهندسة جامعة تورينو وتم التعديل والتنسيق عن طريق د/ محمد كامل.

انا كنت ثانوية عامة ف مصر درست بعدها سنتين ف هندسة اسكندرية و عرفت ان الجامعة هنا في تورينو ليها ابلكيشن وممكن اقدم عليها.

فعملت عليها ابلكيشن اونلاين وبعدين أخدت التقرير الي طلع ليا و روحت بيه على المركز الثقافي الايطالي في الزمالك: قالولي ان المفروض علشان تتقبل هناك ونكمل معاك يكون معاك الآتي:

  • ان الطالب يكون معاه ١٢ سنة دراسية بداية من اول ابتدائي.
  • انجليزي عبارة عن شهادة Ielts B2 لو هيدرس بالانجليزي او الإيطالي عبارة عن شهادة  cils b2 لو هيدرس بالايطالي.
  • بياخد موعد في القنصلية الإيطالية في مصر وبيعمل هناك حاجة اسمها form a .
  • بعدين بيظبط الشهادات بتاعته وبيطلع شهادة المعادلة الي اتكلمنا عليها في المقال السابق dicarazione di valore .

 بيتابع بقه بعد كده مع المركز الثقافي لحد ما بيجي الرد من الجامعه وأول ما بيوصل بروح مقدم على فيزا دراسية وده كتبناها في المقال السابق.

أول ما ربنا يكرمك وتيجي الفيزا بالموافقة بتحضر نفسك وبتسافر. ولما بتيجي هنا بيكون فيه امتحان قبول في الجامعه بتعديه.

بالنسبة للمنحة الدراسية بيتعمل بحث اجتماعي قبل ما تيجي من مصر بيبين فيه دخل الاسرة و الاملاك وبتقدم بيه على منحة هنا والمنحة بتكون ٥٠٠٠ يورو في السنة. واحنا كنا اتكلمنا في المقال السابق عن البحث الإجتماعي والمنح.

نسأل الله لنا ولكم التوفيق والسداد، ولا تنسونا من صالح الدعاء.

مقالات ذات صلة

تعليق واحد

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى
error: جميع الحقوق محفوظة لموقع مغتربى مصر فى إيطاليا

أنت تستخدم إضافة Adblock

برجاء دعمنا عن طريق تعطيل إضافة Adblock