2
مواضيع هامة

معلومات هامة جدا عن السفر بالريتشفوتا ومدة البقاء بها خارج إيطاليا

مع كثرة الأسئلة حول الريتشفوتا ” إيصال إستلام إذن الإقامة
كان حتما علينا توضيح بعض النقاط الهامة للسادة المتابعين :

  •  المدة المسموح قضائها خارج إيطاليا بالريتشفوتا 
    -مسموح لأى شخص يقضى مدة 6 أشهر بالريتشفوتا خارج إيطاليا ولكن بشروط:

  • *يكون معاه بيرميسو حتى لو منتهى بمعنى إن اللى لسه جاى ضم عائلى أو مقدم فى قانون مينفعش يسيب ايطاليا لحد ما يستلم

    وبمعنى إن لو حضرتك إقامتك ضاعت مينفعش تنزل بالبلاغ لأن ببساطه مصر مبتعترفش بالبلاغ وقليل اللى بيعرف إيطالى وهتدخل فى دوامة فيزا اعادة الدخول !

    أحجز على طيران إيه وأنا جاى من مصر وهل ينفع أدخل بالريتشفوتا دول الإتحاد الأوروبى ؟

    أولاً احجز على طيران مباشر من مصر وخليك فاكر الريتشفوتا مبتدخلش بيها دول الإتحاد الأوروبى حتى لو على سبيل الترانزيت ولو دخلت وسابوك تطلع الطيارة ف دا عشان إنت محظوظ مش أكتر لكن نسبة 99% بيرجعوا و 1% اللى بيعدى بيعدى بعد مشاكل كبيرة . 
    *ملاحظات هامة 

    طبعا لو جاى ضم عائلى ومعاك فيزا سارية وتكون مصرح للسفر أكتر من مرة فيها ممكن تنزل عادى بالريتشفوتا

    *****************

  • فى حالة إنك نازل بالريتشفوتا وإنت معاك إقامه عادية بسنتين أو بسنة لازم تكون مظبط شغلك وكودك وتأميناتك فى إيطاليا يعنى متنزلش وإنت مش شغال أو كنت مقدم من غير كود او بكود اقل من 5800 يورو لأن 90% مش هيدخلوك من مطار إيطاليا 
    *******************************
  • طبعا اللى مقدم على تجديد إقامة بدون عمل مينفعش يسيب إيطاليا أصلا أو حتى لو هو معاه إقامة بدون عمل عشان المخاطرة بتبقى كبيرة بمعنى ازاى اقامة بحث عن عمل ونازل بلدك !
    *****************************
  • طبعا لو إنت شغلك تمام وتأميناتك تمام أو لو إقامتك عائلية “واحدة مع جوزها أو إبن مع أبوه تقدر تنزل وترجع أكتر من مرة بالريتشفوتا وكل مرة لك 6 شهور عادى
    وبيتحسبوا من تاريخ خروجك من إيطاليا كل مرة.
  •  

    ملحوظة أخيرة ومهمة

  • : أحيانا الحظ بيحالف الناس المخالفة للقوانين المذكورة أعلاه وبيعدوا من المطار ولكن دى بتبقى حالات فردية ومليانة حظ وبالتالى نرجو من حضراتكم إلتزام القوانين و رحلات سعيدة لحضراتكم 

مقالات ذات صلة

‫42 تعليقات

  1. سوالف حضرتك ممكن ينفع نشتغل بالريتشفوتا اول مره .ريتشفوتا برمسوا فملياري ومكنش في برمسوا معايا قبل كدا ينفع نعمل عقد شغل بها

  2. طيب حضرتك انا انا دلوقتي خارج ايطاليا ومعايا الريتشفوتا والقود بتاعي اقل من5000 ومكنتش اعرف التفاصيل دية ايه هيا نصيحتك ليا وانا بقالي شهر وراجع كمان يومين

  3. لو سمحت انا كنت مقدم علي بيرمسو اول مره وعد بالعمل وبصمت من ست شهور بس لغايه دلوقتي مافيش اي حاجه بتظهر وكلمتهم قالولي الدوسي موقوف ومعرفتش ليه تفتكر حضرتك اشوف محامي؟!!

    1. لو سمحت
      لو مراتي جت إيطاليا وعايزة تنزل بالايصال ينفع تنزل حتى لو الفيزا انتهت
      شكرا

  4. لو سمحت هل ينطبق الكلام ده على الريتشفودا اللى لسه لك تغيش . وهل هيرضوا فى المطار يهتموا قبل الفيش وشكرا

  5. طبعاً بقالى ثلاث سنوات خارج إيطاليا ومعايا الايقامه المفتوحه وعاوز احجز تذكره وارجع على إيطاليا ما هى النصيحه الواجب توافرها لى فى الوقت ده

  6. خلصت الاقامه قدمت علي المفتوح معايا اارتشوفوتا نزلت مر ٦ شهور ورجعت تاني ممكن اقعد اسبوع في ايطاليا وارجع تاني

  7. انا خارج ايطاليا من خمس سنين ومعايا الاقامه المنتهيه وريتشفوتا الاقامه المفتوحه وكنت هناك من 2000 الي 2012 واضطرت للنزول لظروف ما وعايز ارجع

  8. السلام عليكم انا حضرتك كان عندي ميعاد فيش انهارده ومفيشتش قالولي الدوسيه بتاعك لسه مجاش وانا نازل يوم 31 اغسطس والعوده 15 نوفمبر للعلم ادولي ميعاد فيش 5 اكتوبر ايه العمل

    1. لو معاك الرتشفوته تنزل عادى بس ترجع قبل الميعاد اللى ادهولك وتختم الريتشفوته وانت خارج من مطار ايطاليا ومتسافرش على طيران ترانزيت أوروبى يعنى يا طيران مباشر يا اما الإيطالية بس

  9. للعلم انا حاجز علي مصر للطيران ذهاب يوم 31 اغسطس والعوده 15 نوفمبر واداني ميعاد فيش يوم 5 اكتوبر الميعاد الجديد وانا عايز ارجع في 15 نوفمبر ايه اللي هيحصل

  10. انا عايز اعرف حضرتك لو فاتني الميعاد الجديد وروحتلهم بعد 15 نوفمبر بعد الميعاد ما يعديني اللي هوا 5 اكتوبر هيحصل حاجه

  11. حضرتك انا نهاية إقامة منتهية بقالها ٣ شهور وانا فى مصر اعمل اية ولو حد قدامى فى bosta واستلم الرتشفوتة بعقد شغل ينفع اعدى من المطار ولا اية الحل

  12. انا نزلت بالريتشفوتا ولكن محدش اداني ختم بس معايا البرمسو المنتهي ايه الحل لو سمحت هل فيه مشاكل

  13. لو معايا ريتشفوتا شيركا دي لافورو “بحث عن عمل” ممكن اخرج من ايطاليا اربع شهور مثلا و ارجع تاني عادي؟

  14. السلام عليكم . انا قدمت على تجديد اقامتى ومعايا ال Postal receipt واتبصمت دلوقتى انا حسافر مصر ترانزيت فى اسطنبول . انا سالت المكتب اللى تبع الجامعة اللى بدرس فيها هنا فى ايطاليا عن هل حيكون فيه مشكلة انى اسافر بالريتشفوتا ترانزيت فى تركيا. وهما قالوا ينفع لان تركيا مش تيع الاتحاد الاوروبى. انا حابب اتاكد من حضراتكم بردوا عن الكلام دة .
    بارك الله فيكم

    1. السلام عليكم ورحمة الله وبركاته انا عندي بنت مولده من حوالي ٨ أشهر ولسه مش معاها الاقامه ولكن معاها الريتشيفوتا وانا حجز تذاكر السفر على الايطاليه ممكن يحصل مشكلة في الرجوع وشكرا

  15. طب الست شهور دول بيعدوا من اوا يوم بتقدم ف البوسطه ولا من اول يوم بتخرج فيه بره ايطاليا

  16. انا اقامتي منتهيه بقالها سنتين ومش سفرت في اي دوله وبقالي حوالي 5 سنين شغال بعقد مفتوح لو روحت اجدد هيجددو عادي ليا ولا في مشاكل

  17. السلام عليكم
    انا عندي البرمسو وي الرتشفوته وي انا نزلت مره مصر لمده شهر وي محتاج انزل ضرور حلا ينفع انزل بلرتشفوته مرتين ولا هيكون فيها مشاكل

  18. من أين لك المعلومة الخاصة بالكود 5800 اورو…

    انا بحث عنها في كل المواقع لم أجد لها أثر…

    ممكن تعطيني مصدر هذه المعلومة

  19. انا فيشت من شهر 5 الي فات ومعاي ريتشوفتا ولسه مستلمتش مع العلم البريمسومو بتاعي منتهي من شهر 6/2021لس هما في للكستورا قالولي أنه هيتاخر مش ليا انا بس دا لكل الناس مع العلم انا نزلت بيها قبل كدا هل ينفع انزل بيها تاني شكرا

  20. انا معي إقامة familiare و انتهت من تشرين اول ٢٠٢٢… و طلبت تجديدها في ال posta و كان موعدي شهر ١٢… و رجعت إلى ايطاليا وكان هناك نواقص في الطلب.. و رجعتي بلدي لاتمم المطلوب….. اخذت موعد اون لاين شهر نيسان ٢٠٢٣ و معي residensa لغاية ٢٠٣١….
    هل استطيع العودة بواسطة الموعد…. مع العلم بانني ضمن ٦ أشهر خارج إيطاليا…

  21. مرحبا ، انا في ايطاليا من لبنان معي ريتشيفوتا لطلب الاقامة لاول مرة لكن غيرت عملي ومكان اقامتي ..انتظر عقد بيت وتسجبل بلدية في الاقامة الجديدة لاكمال ملفي وابصم من جديد هل أستطيع السفر بالرينشيفوتا علما أنه سوف يكون مضى عليه سنة وشهر عند سفري ..؟

  22. انا في ايطاليا منذ سنة معي ريتشيفوتا لاذن الاقامة لاول تقديم ( عمل ) ..بعد البصمة غيرت عملي ومكان الاقامة تم تقل ملفي لمكان عملي الجديد ، انتظر عمل اقامة بلدية في سكني الجديد لاتمام ملف الاقامة والبصمة من جديد ..
    هل أستطيع السفر من خلال ريتشيفوتا اذا كان مضى عليه سنة وشهرين ؟ الى بلدي الاصل سفر مباشر من نفس المطار ذهابا وايابا؟ شكرا

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى
error: جميع الحقوق محفوظة لموقع مغتربى مصر فى إيطاليا

أنت تستخدم إضافة Adblock

برجاء دعمنا عن طريق تعطيل إضافة Adblock