Jannah Theme License is not validated, Go to the theme options page to validate the license, You need a single license for each domain name.
2
أوراق إيطاليةجديد القوانين و المساعداتمواضيع هامة

إقامة الحماية الخاصة فى إيطاليا Protezione speciale

إقامة الحماية الخاصة فى إيطاليا Protezione speciale

إقامة الحماية الخاصة فى إيطاليا  Protezione speciale
 هى نوع من أنواع الإقامات المتعددة فى إيطاليا وتحديداً الإقامة التى حلت محل إقامة اللجوء الإنسانى منذ عام ٢٠١٨ وفى هذا الموضوع تجد شرح شامل بداية من التعريف حتى الشروط والتكاليف وللتسهيل سيتم عمل الموضوع فى سؤال وجواب  

هل يشترط مرور مدة معينة للعيش فى ايطاليا من أجل التقديم على إقامة الحماية الخاصة فى إيطاليا Protezione speciale ؟

 انك تقدم علي طلب الحمايه الخاصه الموضوع مش مرتبط بالمده الي انت كنت فيها جوه البلد  بس كل ما كانت الفتره اطول كل ما كان افضل .

شروط التقديم على إقامة الحماية الخاصة فى إيطاليا Protezione speciale

يكون عندك أحد الأسباب التالية :

  • ليك قرايب مقيمين هنا من فتره طويله زي ابوك خالك او عمك ابن عمك اختك وهكذا.
  • في الفتره الي عشتها في ايطاليا قبل ما تقدم تكون روحت مدرسه واتعلمت ايطالي واخدت شهادات وبالفعل تكون بتتكلم.
  • متكونش عملت اي مشاكل من اي نوع ودا شرط اساسي زيه زي اللغه.
  • لو حضرتك قدمت مثلا في قانون زي فلوسي واتنصب عليك او اترفضت ليك الأولوية.
    وفي حالات تانيه كتير ممكن تقدم علي طلب الحمايه الخاصه .
  • عندك مشاكل اضطهاد او تعذيب او مشاكل فى الحياة الخاصة مع الأسرة تمنعك من العيش بشكل منتظم 

المستندات المطلوبة للتقديم  على إقامة الحماية الخاصة فى إيطاليا Protezione speciale

  • باسبورك الاصلي وصوره منه
  • استضافه آو رزدينسا
  • دفع بولتينا قيمتها ٨٠,٤٦ يورو فى البوسطا .
  • ماركا دي بولو ١٦ يورو
  • -lettera legale او بالعربي تكتب رساله قانونيه تكون فيها تفاصيل طلبك وانتا عاوز ليه تقدم علي طلب الحمايه الخاصه.
  • ٢ صوره شخصية خلفيه بيضاء مقاس التسرا
  • اي اوراق تفيد طلبك وتدعمه

بعد ما بتجهز كل ورقك بتروح الكستوره شنترالي وبيشوفو الاوراق وبناء عليه بيديلك ميعاد.

هل بالميعاد اقدر اعمل كونتراتو عمل واشتغل او اقدم في مدرسه سواقه او افتح حساب ؟

للاسف  كل اللى هتقدر تستفيد بيه من الميعاد انه اولا هيكون بعد فتره طويله يعني اقل حاجه بعد ٦ شهور فبيكون عندك الوقت الكافي تروح مدرسه ويكون وضعك في البلد سليم بناءً علي الميعاد الي معاك يعني لو وقفك اي كونترول بس حتحتاج توريلهم الميعاد .

هل اللى مقدم على لجوء ينفع يقدم على إقامة الحماية الخاصة protezione speciale؟

ينفع بس أفضل انك تكمل في اجراءات طلب اللجوء بتاعك وحتي لو اخدت رفض من المحكمه اعمل استئناف علشان في الاخر ومهما طال الوقت طول ما انتا مابتعملش مشاكل متثبت وشغال وبيندفعلك ضرايب وبتروح المدرسه وبتتعلم لغه بمعني اصح بتندمج مع المجتمع حتاخد ورق.

ماهى مدة إقامة الحماية الخاصة protezione speciale؟

المدة هى سنتين قابلة للتجديد وللتحويل لإقامة عمل

ملحوظة : بالنسبه لاي حد عاوز يعمل طلب الحمايه الخاصه وخايف ياخدو باسبورك ماتقلقش مش بياخدو باسبورك نهائيًا باسبورك بيفضل معاك .

 

 

اقرأ أيضا عن اللجوء فى ايطاليا

أخيراً دا كان ملخص بسيط واتمني يكون شمل حاجات كتير بالنسبه للطلب ده ونصيحه للي لسه معملش اي حاجه ومتوفر في الشروط واهم شرط هو انك تروح المدرسه وتتعلم لغه وتندمج مع البلد والمجتمع ويكون معندكش اي مشاكل .

بقلم : أ / محمد طلحة

مقالات ذات صلة

‫2 تعليقات

  1. هل يحق لى طلب لم الشمل بالحمايه الخاصه؟ ولو مش ينفع، إيه الطرق المتاحه، وأفضلها يافندم ،لطلب لم الشمل للأسره؟
    شكراً

  2. هل إقامة الحمايه الخاصه بعد قوانين مايو يتم تجديدها تلقائيا بسنتين برده وهل يمكن تحويلها لإقامة عمل أو لأ. بأى حال ينفع يتعمل بيها ضم عائلى؟
    شكراً

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى
error: جميع الحقوق محفوظة لموقع مغتربى مصر فى إيطاليا

أنت تستخدم إضافة Adblock

برجاء دعمنا عن طريق تعطيل إضافة Adblock