مدة بقاء المواطن الأجنبى خارج إيطاليا بالإقامة العادية والمفتوحة
-
الإقامة العادية فى إيطاليا
مسموح لاى شخص أن يظل خارج ايطاليا مده لا تزيد عن نص المده اللى استلم بيها الاقامة على الأراضى الإيطالية
يعنى إستلمت إقامة بسنة تقعد 6 شهور عادى إستلمت بسنتين تقعد سنة عادى
لكن بشروط :-
1- إنك لو قعدت نص المدة خارج إيطاليا فإجبارى النص التانى تكون شغاله كله قانونى وبتدفع تأمينات وإلا هتتعرض لإلغاء الإقامة .
2- إنك لو ناوى تقعد سنة لازم تظبط مواعيدها عشان تلحق تظبط شغلك ويطلعلك كود كويس وكمان بوستا باجا للتجديد .**************************************************** * -
الإقامة المفتوحة فى إيطاليا
حسب قانون الإتحاد الاوروبى ممنوع إلغاء الإقامة المفتوحة إلا فى حالات معينة منها
1- الخطورة على الأمن القومى
2- البقاء خارج دول الإتحاد الأوروبى مدة أكتر من سنة.
طبعا فى آلاف مننا بينزلوا يقعدوا بالسنة والإتنين ومبيحصلش لهم حاجه لكن برده فى كتير بيطبق عليهم القانون
وعشان كدا بننبه حضراتكم
والقانون بيقول ممكن تقعد قانونياً فى أى دولة اتحاد اوروبى لحد 7 سنين عادى بعيد عن ايطاليا من غير ما تتلغى الإقامة المفتوحةلكن مينفعش تقعد خارج الاتحاد اكتر من سنة
طيب نعمل إيه لو قعدنا أكتر من سنة وعايزين نرجع من غير مشاكل ؟
الحل تيجى ترانزيت أى دولة إتحاد أوروبى كفرنسا ,سويسرا , اليونان او أى دولة إتحاد أوروبى أخرى لأن الدول دى ميهمهاش إنت قعدت أد إيه خارج إيطاليا لكن يهمهم إنك معاك إقامه صحيحة وطبعا بعد ما تعدى أى دولة إتحاد أوروبى لما بتيجى إيطاليا نادراً جدا لو حصل كنترول تانى على الورق
كمان متنساش تغير جواز السفر لأن طبعاً الجواز القديم اللى إنت كنت نازل بيه هيكون فيه ختم المغادرة
بسالك عن موقع كان ان كتب علي الصفحة بان لو حد معاه الاقامة المفتوحة الايطالية ممكن يراسل سويسرا من عليه بمعلماته وهما يجيبوله الشغل لو ممكن لوسمحت كتبت لحضرتك كتير مش فامر الموقع ده كان في كومنت تقريبا
موجود موقع للبحث عن العمل فى أوروبا كاملة فى الموقع هنا فى قسم مواضيع هامة فرع مواقع تهمك ..
ابحث عن عمل في نابولي ارجو المساعدة انا اعمل في اي شيء ارجو المساعده اخوتي
عنينا حاضر
ممكن جزاكم الله خير ابحث عن فرصه عمل انا حداد مسلح صنايعي خبره 15 سنه منهم 10 كابو كانتيرى ومعي رخصه قياده ايطاليه واجيد الالمانيه..
انا نزلت مصر وكان معايا الاقامه العادية وكان سني ماوصلش لي ٣٠ سنه طبعا كان عندي الجيش ودخلت الجيش اجباري والاقامه انتهت وكنت عامل توكيل لعمي انه يجهز ورق التجديد ويقدمه في البوسطه ونزلي ميعاد في شهر ابريل اللي فات بس انا كنت دخلت الجيش طبعا ماروحتش ونزلي معاد تاني في شهر نوفمبر ومش هروح لاني هخلص جيش ١ مارس ٢٠١٨ في حل اني اقدر اسافر تاني بعد مااخلص جيش
خلص جيشك وقدم ورق مترجم للقنصلية الإيطالية تفيد انك كنت فى الجيش ودى ظروف قهرية مخلتكش تقدر تسافر واطلب فيزة دخول وان شاء الله هتقدر تدخل وتجدد تانى
جزاكم الله خيرا على التنبيه
لو سمحت انا معايا الاقامه المفتوحه وبنتي معايا علي الاقامه عاوزه اعرف لحد سن كام سنه ممكن تتشال مع العلم اخوتها معاهم الجنسيه والبسبور الايطالي وباباهم وانا مقيمه في مصر وبابهم نزل نهائي وملناش عنوان هناك اعمل عليه اي اوراق غير اصحابي بس بنتي عامللها اثبات عنوان من 7 سنين علي عنوان اللي كنامقيمين فيه وانا عملت ورق الجنسيه وبعته ولحد دلوقتي مفيش حد بعتلي حاجه وسافرت من 2 سنتين علشان اعرف الورق اتاخر ليه قلولي حنبعته تاني وغيرت العنوان الاستلام علي صديقه هناك ولحد دلوقتي مفيش اخبار خالص مش عارفه اعمل ايه وخايفه بنتي متدخلش البلد تاني
انا اقمتي انتهت وانا خار ايطاليا لظروف عائليه هل يمكن استعادتها
عوز اسافر اشتغل
لو وحد عند عقد عمل 6شهر يستطيع اخد الاقامه الدائمه
انا عند عقد عمل ٦شهر تسطيع اخد الاقامه الدائمه
الرد
السلام عليكم… هل يشترط للحصول علي كارتا راي ان يكون عندك المفتوح ولا ينفع ابو سنتين عادي ارجو الافادة وشكرا لكم
حتى لو فى حالة انى موجود فى اى دولة فى الأتحاد الأوروبى ده يعتبر انى خارج إيطاليا ؟؟؟
بعد اذنك يا ادمن انا اولادي مثبوتين علي الاقامه بتاعتي وانا دلوقت هانزل زوجتي مصر وطبعا الاولاد هايبقو معاها بس هما طبعا مش مثبوتين عليها مع العلم ان انا مجدد دلوقت لمراتي عشان اضيف اولادي علي اقامه مراتي بس لسه ميعاد الفيش عليه بدرى وهي هاتنزل قريب قبل الفيش فادلوقتي ايه الحل هل في مطار القاهره وهي راجعه ان شاء الله هايتكلمو معاها في حاجه ولا اعملهاتوكيل اني موافق ان الاولاد ينزلو وييجو معاها ولا اعمل ايه معلشي لو انت عندك حل ياريت تفيدني بيه وجزاك الله عنا كل خير بس يااااريت ترد عليا لاني دي مش اول مره اكتب وانت ماردتش عليا
انا عندي إقامة غير منتهية وانا خارج أيطاليا اكثر من سنتين لاني رزقت بمولود.
هل يمكن الدخول الى ايطاليا من غير مشاكل.مع العلم زوجي يعمل بصفة نظامية
بماذا تنصحني عند العودة؟
وشكرا
السلام عليكم ورحمة الله وبركاته
من فضلكم أنا عندي إقامة غير منتهية و كنت خارج ايطاليا أكثر من سنتين لاني رزقت بمولود.هل يمكن الدخول من غير مشاكل لوحدي مع اولادي الثلاثة
مع العلم أن زوجي يعمل هناك وعندي ثلاث أولاد إقامتهم دائمة.في حين تسوية وثائق المولود الجديد
السلام عليكم لوسمحت انا كان معايا اقامه عاديه وانتهت وانا فى مصر عاوز ارجع ايطاايا تانى اعمل ايه