- المدرسة الابتدائية فى إيطاليا
- اول ما بيوصل عُمر الطفل 6سنوات
بيبدأ المدرسة الإبتدائية وهي إجبارية فى إيطاليا .
يعني ما ينفعشي تسيب ابنك في البيت مايروحش و إلا هتتعرض للمسائلة القانونية .
- أول حاجه بتتعمل فى المدرسة الإبتدائية “التطعيم” بيرسل لك الأزل “مركز الصحة”
جواب فيه ميعاد التطعيم وبتروح بيدي الابن حقنتين
- وبعدين المدرسه بتدعوا مجلس الآباء إلي اجتماع عمومي
- والتقديم دائما في فبراير أوعي حد يتأخر.
- الاجتماع بيكون فيها شرح لأسلوب الدراسه والخطه الدراسية للعام
ومناقشات مع أولياء الأمور عن التقيم
- الفصل هنا عمره مابيزيد عن 25 تلميذ بل أقل ممكن يكونوا 15 تلميذ لو بلد ريفي صغير .
- المدرسين ما بيتغيروش يعني الاثنين المدرسين اوالتلاثه بيبقوا مده الخمسه سنوات مع التلاميذ
علشان يتعرفوا عليهم ويفهموا كل تلميذا كويس.
- طبعا الدراسه يوم كامل يعني من الساعه 8.25 الصبح إلي حد الساعة 16.30 العصر في ساعتين غداء
- . الاطفال بيبقوا في المدرسه في عهده المدرسين عمرهم مابيسبوا الأطفال إلا في ايد أهاليهم
يعني لازم تودي الأطفال المدرسه وتروح تجيبهم.
- هنا مفيش أطفال بيروحوا لوحدهم لازم تروح تاخدهم وتوديهم.
- المدرسين بيعملوا لكل تلميذا اجنده علشان يحطوا فيها كل الملاحظات والواجب والدرجات وكل صغيره وكبيرة مهم جدا ولازم الأب يمضي كل يوم عليها.
- الاجتماع الأول في العام الدراسي بيكون لإختيار النائب عن أولياء الأمور وعمل جروب علي واتس أب لمناقشة مشاكل الابناء والإجابة عن أي استفسار أو مشكلة .
- الاجتماع الفردي مع المدرسين لمعرفة تقدم الابن في الدراسة .
- مفيش إمتحان آخر السنه نهائي ولا طفل ياخد صفر نهائي أقل حاجه خمسه من عشره كل التقييم من عشره والنجاح من خمسه إلي حد عشره
- مفيش ضرب في المدارس نهائيا ولا دروس خصوصية كل مدرس بيعمل شغله بإتقان علي آد ما بيقدر.
- بيسلموا الطلاب الكتب مجانا
- بصراحة بيتسبقوا في خدمه التلاميذ بكل جهد وبيجيبوا لأطفال هدايا من مرتباتهم وبيغيروا أماكنهم كل شهر علشان كل طفل يستفيد من اللى جنبه
ودى كانت لمحة عن كيفية عمل المدارس الإبتدائية فى إيطاليا ونتمنى لحضراتكم الإستفادة.
