تعرض شاب مصرى لعملية نصب من شخص إيطالى فى قمة الحيلة والذكاء يوم أمس !
وحسب رواية الشاب المصرى الذى تواصل معنا لتنبيه الجميع من هذا المتحال بدأ حديثه قائلاً :
“إلحقونى يا جماعة أنا خدت الصابونة حرفياً” .
وبدأ فى سرد القصة كالتالى :
“و أنا ماشى فى ميلانو زونا سان سيرو وتحديداً فى فيا ريتشاريلى وقفنى واحد إيطالى معاه موتوسيكل وعرض عليا إنه يبيعلى تليفونين واحد سامسونج S6 edge والتانى آيفون 6 بأى سعر المهم إتفقت معاه على مبلغ قليل جدا وبدأ يفرجنى التليفونات ويقولى إنهم أصليين ومعاهم فاتورتهم وبالفعل كانوا تليفونين حقيقين وبعد ما إتفقنا جيت أطلع الفلوس كان هو فى الوقت دا غير الشنطة اللى فيها التليفونات بشنطة تانية وطبعا أنا مخدتش بالى ، ادانى الشنطة وخد افلوس وطلع يجرى بالموتسيكل وعلى ما بفتح الشنطة وبتأكد ملقتش التليفونات ولقيت طقم الصابون دا !
حفظت أرقام الموتوسيكل اللى كان راكبه وملحقتش أحفظ الحروف الموتوسيكل بتاعه إسود والأرقام هى 32982.
إن شاء الله الموضوع دا مش عاوزه يتكرر مع حد تاني ف عاوز الناس تاخد حذرها هو بيطمنك إن التليفون اصلي ومش مسروق ، بس بيغفلك ويديلك الصابونة وانت بتطلعله الفلوس.
وأخيراً بحذر كل الناس إوعى الإيطالى يديك الصابونة !
