إيه هو الكاستّو فيسكالي ؟ هو خدمة بتقدمها الأجنسيا دي الانتراتا علشان تعرف وضعك المالي و كل المعلومات عن الضرايب المدفوعه لك أو الضرايب اللى لازم تدفعها أو أي وضع يخصك كشخص أو كشركة بيانات شخصية عوائد الضرايب ( زي الكود مثلاً او الاونيكو بتاع الشركة ) وبيانات التسديدات بيانات المدفوعات مثلاً للى عنده شركة بيقدر يشوف ال F24 e F23. الخدمة دي بتبقي اونلاين ممكن تعمل كنترول وانت فلبيت من علي الكمبيوتر أو التليفون .
إزاي بتفتح الكاستّو فيسكالي ؟ بتروح الاجنسيا دي الانتراتا و تطلب PIN بيدوك ورقة مكتوب فيها بن مكون من ٤ ارقام و ناقص أرقام بتتبعتلك لما بتسجل نفسك على الموقع .
بتسجل إزاى على الموقع ؟
بتدخل علي الموقع بتاع الاجنسيا دي الانتراتا و بتضغط علي كلمة area riservata و بيظهرلك انك غير مسجل، بيتم التسجيل بعد الضغط علي non sei registrato و بعدين تضغط علي تسجيل فيسكو أونلاين registrazione fisconline ساعتها بعد ما يتم التسجيل مظبوط بتلاقي نفسك علي الصفحة الخاصة بيك .
بالنسبة للشركات ممكن تدخل علي الكاستّو لو هما معاهم أوراق معتمدة مثل SPID و دة بيكون للشركات اللي هى عندها بيانات ديجيتال معتمدة من الدولة ماننساش ان ممكن حد تاني يدخل مكانك بس لازم يكون معاه منك توكيل و الحد دة لازم يكون محاسب أو مكتب باتروناتو مثلاً.
ملحوظة هامة جدا : الكاستّو فيسكالي بتاع الأجنسيا دى الإنتراتا مش بتاع إنبس ونكون علي علم إنهم برضه متصلين ببعض فى شويه حاجات .
السلام عليكم
اشكركم علي المجهود المبذول بس لو من الممكن نشر قانون العمل موضح حقوق العامل في فتره العمل وما بعد الفصل او الاستقاله وشكرا
عنينا حاضر 🙂
محتاج شقة لليجار في ميلاانو وشكرا
حضرتك تقدر تدور على المواقع زى subito.it , kijiji.it, immobiliare.it
اريد ان اهاجر إلى إيطاليا للعمل انا كهربائي منازل ويمكن أن أعمل في أي مجال آخر ارجو الرد في أسرع وقت ممكن ‘ وشكرا