التأمين فى ايطاليا : من المعروف أن هناك تأمين صحى لكل شخص يحمل إقامه على أرض إيطاليا
ولكن هناك أنواع تأمين أخرى نود التحدث عنها
- تأمينات إجبارية
*النوع الأول
التأمين ع العمال ضد الحوادث أو الإنفورتونيو infortunio
طبعا أى عامل فى اى مكان له تامين ضد الحوادث بيحصل عليه عند الاصابه فى العمل.
ويجب ملاحظه ان حتى لو ممعكش اقامة أو لو حتى مش متسجل تحت مكان الشغل
وحصلك حادثه متخافش من صاحب الشغل
واعرف أن الأرزاق بيد الله .. هو صحيح هياخد غرامه لتشغيل شخص نيرو
لكن انت هتاخد حقك من التأمين العام على المكان و متسيبش حقك
———————————————————-
*النوع الثانى
التأمين على السيارة
وهو معروف للجميع ويتم التأمين على السيارة فى شركات التأمين والتى تتولى تغطية أى خسائر أو تلفيات فى حال حدوث حواداث لا قدر الله.
————————————————-
*النوع الثالث
وهو التامين على الطلاب فى المدارس وهو اللى حضرتك بتدفعه مع بداية كل سنه فى حدود حوالى 10 يورو ولو لا قدر الله حصل اصابه لطفلك أو كسر داخل المدرسة أو فى الطريق للمدرسه فى مواعيد الدراسه بيتعمل للطفل إنفورتنيو وبيقبض فلوس برده زى اللى شغال.
- تأمينات إختيارية
هو التأمين على الزوجه الغير عاملة .
وده عبارة عن إن حضرتك بتروح الانيل وتعمل طلب تامين على زوجتك من الحوادث المنزليه وده بيندفع له مبلغ سنوى حوالى 20 او 25 يورو وده بيحصل عمل فورتنيو للزوجه فى حاله لا قدر الله الحرق او الكسر او اى اصابه داخل منزلها .
طبعا النوع ده كل فتره الإنيل بيبعت جوابات على البيوت ويطلب منك تشترك او
بيعرفك يعنى ايه المطلوب وطبعا النوع ده غير اجبارى.
شفانا الله وعافانا وحفظنا وحفظكم من كل سوء
