أخبار عاجلة
الرئيسية / مواضيع هامة / معلومات هامة جدا عن السفر بالريتشفوتا ومدة البقاء بها خارج إيطاليا

معلومات هامة جدا عن السفر بالريتشفوتا ومدة البقاء بها خارج إيطاليا

  • مع كثرة الأسئلة حول الريتشفوتا ” إيصال إستلام إذن الإقامة
    كان حتما علينا توضيح بعض النقاط الهامة للسادة المتابعين :
  •  المدة المسموح قضائها خارج إيطاليا بالريتشفوتا 
    -مسموح لأى شخص يقضى مدة 6 أشهر بالريتشفوتا خارج إيطاليا ولكن بشروط
    *يكون معاه بيرميسو حتى لو منتهى بمعنى إن اللى لسه جاى ضم عائلى أو مقدم فى قانون مينفعش يسيب ايطاليا لحد ما يستلم

    وبمعنى إن لو حضرتك إقامتك ضاعت مينفعش تنزل بالبلاغ لأن ببساطه مصر مبتعترفش بالبلاغ وقليل اللى بيعرف إيطالى

    طيب لو  إقامتك ضاعت ومعاك بلاغ ولازم تنزل ضرورى تعمل ايه؟
    فى الحالة دى لازم تترجم البلاغ للعربى وتوثقه من السفاره المصرية فى إيطاليا علشان يعترفوا بيه فى مصر 
    ومتنساش وإنت نازل تختم الريتشفوتا فى مطار إيطاليا.

    أحجز على طيران إيه وأنا جاى من مصر وهل ينفع أدخل بالريتشفوتا دول الإتحاد الأوروبى ؟أولاً احجز على طيران مباشر من مصر أو ترانزيت على الإيطالية وخليك فاكر الريتشفوتا مبتدخلش بيها دول الإتحاد الأوروبى حتى لو على سبيل الترانزيت ولو دخلت وسابوك تطلع الطيارة ف دا عشان إنت محظوظ مش أكتر لكن نسبة 99% بيرجعوا و 1% اللى بيعدى بيعدى بعد مشاكل كبيرة . 

    *ملاحظات هامة 
    طبعا لو جاى ضم عائلى ومعاك فيزا سارية وتكون مصرح للسفر أكتر من مرة فيها ممكن تنزل عادى بالريتشفوتا

    *********************************************************************
    فى حالة إنك نازل بالريتشفوتا وإنت معاك إقامه عادية بسنتين أو بسنة لازم تكون مظبط شغلك وكودك وتأميناتك فى إيطاليا يعنى متنزلش وإنت مش شغال أو كنت مقدم من غير كود او بكود اقل من 5800 يورو لأن 90% مش هيدخلوك من مطار إيطاليا 
    *********************************************************
    طبعا اللى مقدم على تجديد إقامة بدون عمل مينفعش يسيب إيطاليا أصلا أو حتى لو هو معاه إقامة بدون عمل عشان المخاطرة شديدة واسمك بيظهر فى المطار وهيرجعوك بنسبة كبيرة.
    *******************************************************
    طبعا لو إنت شغلك تمام وتأميناتك تمام أو لو إقامتك عائلية “واحدة مع جوزها أو إبن مع أبوه تقدر تنزل وترجع أكتر من مرة بالريتشفوتا وكل مرة لك 6 شهور عادى
    وبيتحسبوا من تاريخ خروجك من إيطاليا كل مرة.

    ملحوظة أخيرة ومهمة : أحيانا الحظ بيحالف الناس المخالفة للقوانين المذكورة أعلاه وبيعدوا من المطار ولكن دى بتبقى حالات فردية ومليانة حظ وبالتالى نرجو من حضراتكم إلتزام القوانين و رحلات سعيدة لحضراتكم 

شاهد أيضاً

القيادة بدون رخصة في ايطاليا

ما هى عقوبة قيادة سيارة بدون رخصة فى إيطاليا ؟

القيادة من دون رخصه في ايطاليا لم تعد جريمة !! حتى عام 2016 ، كانت ...

استئناف المخالفات فى إيطاليا

طلب مسح مخالفة السير مجاناً من دون محامى

طلب مسح مخالفة السير مجاناً من دون محامى يمكن طلب إلغاء الغرامة من خلال تقديم ...

العلاج فى إيطاليا

العلاج فى إيطاليا لمن لا يملكون الإقامة القانونية

السلام عليكم ..  في موضوع اليوم نتكلم على طريقة لا يعرفها البعض من المهاجرين العرب ...

35 تعليق

  1. سوالف حضرتك ممكن ينفع نشتغل بالريتشفوتا اول مره .ريتشفوتا برمسوا فملياري ومكنش في برمسوا معايا قبل كدا ينفع نعمل عقد شغل بها

  2. طيب حضرتك انا انا دلوقتي خارج ايطاليا ومعايا الريتشفوتا والقود بتاعي اقل من5000 ومكنتش اعرف التفاصيل دية ايه هيا نصيحتك ليا وانا بقالي شهر وراجع كمان يومين

    • انصح حضرتك تسيبها على ربنا غالبا موضوع التوقيف والتدقيق بيحصل مع ناس قليلة وان شاء الله تعدى على خير

  3. لو سمحت انا كنت مقدم علي بيرمسو اول مره وعد بالعمل وبصمت من ست شهور بس لغايه دلوقتي مافيش اي حاجه بتظهر وكلمتهم قالولي الدوسي موقوف ومعرفتش ليه تفتكر حضرتك اشوف محامي؟!!

  4. لو سمحت هل ينطبق الكلام ده على الريتشفودا اللى لسه لك تغيش . وهل هيرضوا فى المطار يهتموا قبل الفيش وشكرا

  5. طبعاً بقالى ثلاث سنوات خارج إيطاليا ومعايا الايقامه المفتوحه وعاوز احجز تذكره وارجع على إيطاليا ما هى النصيحه الواجب توافرها لى فى الوقت ده

  6. خلصت الاقامه قدمت علي المفتوح معايا اارتشوفوتا نزلت مر ٦ شهور ورجعت تاني ممكن اقعد اسبوع في ايطاليا وارجع تاني

  7. انا خارج ايطاليا من خمس سنين ومعايا الاقامه المنتهيه وريتشفوتا الاقامه المفتوحه وكنت هناك من 2000 الي 2012 واضطرت للنزول لظروف ما وعايز ارجع

  8. انا معايه اقامه دراسه و بجددها كل سنه, ممكن اسافر اى دوله اوروبيه بالريتشيفوتا ؟

  9. السلام عليكم انا حضرتك كان عندي ميعاد فيش انهارده ومفيشتش قالولي الدوسيه بتاعك لسه مجاش وانا نازل يوم 31 اغسطس والعوده 15 نوفمبر للعلم ادولي ميعاد فيش 5 اكتوبر ايه العمل

    • لو معاك الرتشفوته تنزل عادى بس ترجع قبل الميعاد اللى ادهولك وتختم الريتشفوته وانت خارج من مطار ايطاليا ومتسافرش على طيران ترانزيت أوروبى يعنى يا طيران مباشر يا اما الإيطالية بس

  10. للعلم انا حاجز علي مصر للطيران ذهاب يوم 31 اغسطس والعوده 15 نوفمبر واداني ميعاد فيش يوم 5 اكتوبر الميعاد الجديد وانا عايز ارجع في 15 نوفمبر ايه اللي هيحصل

  11. انا عايز اعرف حضرتك لو فاتني الميعاد الجديد وروحتلهم بعد 15 نوفمبر بعد الميعاد ما يعديني اللي هوا 5 اكتوبر هيحصل حاجه

  12. حضرتك انا نهاية إقامة منتهية بقالها ٣ شهور وانا فى مصر اعمل اية ولو حد قدامى فى bosta واستلم الرتشفوتة بعقد شغل ينفع اعدى من المطار ولا اية الحل

  13. انا نزلت بالريتشفوتا ولكن محدش اداني ختم بس معايا البرمسو المنتهي ايه الحل لو سمحت هل فيه مشاكل

  14. لو معايا ريتشفوتا شيركا دي لافورو “بحث عن عمل” ممكن اخرج من ايطاليا اربع شهور مثلا و ارجع تاني عادي؟

  15. فيه مشكله للنزول إلى مصر بالإقامة المفتوحة الورقية

  16. السلام عليكم . انا قدمت على تجديد اقامتى ومعايا ال Postal receipt واتبصمت دلوقتى انا حسافر مصر ترانزيت فى اسطنبول . انا سالت المكتب اللى تبع الجامعة اللى بدرس فيها هنا فى ايطاليا عن هل حيكون فيه مشكلة انى اسافر بالريتشفوتا ترانزيت فى تركيا. وهما قالوا ينفع لان تركيا مش تيع الاتحاد الاوروبى. انا حابب اتاكد من حضراتكم بردوا عن الكلام دة .
    بارك الله فيكم

  17. طب الست شهور دول بيعدوا من اوا يوم بتقدم ف البوسطه ولا من اول يوم بتخرج فيه بره ايطاليا

  18. انا اقامتي منتهيه بقالها سنتين ومش سفرت في اي دوله وبقالي حوالي 5 سنين شغال بعقد مفتوح لو روحت اجدد هيجددو عادي ليا ولا في مشاكل

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

error: جميع الحقوق محفوظة لموقع مغتربى مصر فى إيطاليا