ما هوالضم العائلى للأسرة فى إيطاليا ؟

المستندات المطلوبة للضم العائلى للأسرة فى إيطاليا

• ماركا دا بولو ( طابع الدمغة ).
• نسخة من الاوراق الشخصية : البرميسو و
• الكوديتش و الباسبور الشخصي.
• صورة باسبور الشخص(او الاشخاص) اللي هتعمل له ضم.
  
  
  أوراق السكن المطلوبة للضم  العائلى للأسرة فى إيطاليا :
  
• شهادة إيدونيتا ألودجيتيفا idoneità alloggiativa أصلية.
• صورة من عقد سكن مسجل في الكومونا.

الأوراق المطلوبة من جهة العمل فى الضم العائلى للأسرة فى إيطاليا :
 بالنسبة للعامل العادي:
– أخر كود.
– أخر بوستا باجا.
– صورة بطاقة صاحب العمل.
– عقد العمل و موديل الاونيلاف اللي صاحب الشغل بيملاه وقت أما يأمن عليك.
– موديل S3 يملاه صاحب الشغل أو تملاه انت و تخلي صاحب الشغل يوقع عليه.

 بالنسبة للأرتيجانو او صاحب شركة:
– فيزورا كاميرالي أو شهادة التسجيل في الكاميرا كوميرشو
– صورة البرتيتا إيفا
– موديل أونيكو أو بيلانشو

لو إنت شغال بس مفيش سكن تعمل ايه ؟

طبعا احنا كنا متعودين علي تقديم طلب الدعوة للضم العائلي من خلال موقع وزارة الداخليه وكان من الممكن التقديم بدون عقد شقه او شهادته صلاحيه السكن للاستعمال الادمي idonietà alloggiattiva

وكان الموضوع سهل جدا بحيث انك تستطيع البحث عن شقه في خلال مدة الانتظار.

             و لكن تغير الوضع  تماما.

اصبح من المستحيل تحميل اي طلب ضم عائلي بدون ارسال كافه الاوراق بالنسبه للاوراق الشخصيه واوراق العمل والسكن وبدأ الموقع ان يطلب منك تحميلها ورقه ورقه كملف pdf.

لو انت عندك السكن بس الدخل مش كافي تعمل ايه ؟
ممكن تشوف محاسب كويس يعمل لك أونيكو بمبلغ معين و بتدفع عليه ضرايب . الضرايب بتكون تقريبا ألف على كل خمسة ألاف .

الحد الادني للدخل المطلوب للضم العائلى للأسرة فى إيطاليا

يجب على الطرف المقيم بإيطاليا تقديم دليل على تمتعه بالموارد المالية الكافية لدعم العائلة بما في ذلك الرعاية الصحية.
وفيما يلي الحد الأدنى للمبالغ المنصوص عليها:

خطوات التقديم علي الضم العائلى للأسرة فى إيطاليا

إما انك تروح لمكتب كاف او بتروناتو يملاه او تملاه انت و تبعته على النت لكن يكون عندك ايميل و مسجل على موقع الداخلية .
التسجيل دا سهل جدا مش بيحتاج غير ايميل و تكتب بياناتك صح .
دي صورة من الموديل اللي بتملاه على النت http://www.immigrazione.biz/…/0737_Modello_S_Istruzioni_Ant…
و انت بتعمل الطلب لازم تتأكد ان البيانات كلها سليمة , لو في حاجه غلط الورق هيتأخر .
حاول تحفظ نسخة من الطلب على الكمبيوتر او تطبع صورة منه و تحتفظ بها.
بعد أما تقدم على الضم بتستنى لحد أما يبعتوا ليك النولا أوستا , اللي انت بتبعتها بعد كدا للزوجة
برضوا أما تطلع النولا اوستا تحتفظ بصورة معاك او تعمل لها سكان و تخفظها على الكمبيوتر. 

بتقدر تتابع النولا اوستا وتعمل كنترول عليها من خلال الموقع دا

https://nullaostalavoro.dlci.interno.it/

ولو انت من سكان ميلانو تقدر تتابع من خلال اللينك دا

https://wemi.comune.milano.it/inclusione/ricongiungimento-familiare

[su_label type=”black”]بالنسبة للاجراءات اللي زوجة بتعملها في مصر : [/su_label]
– أما تطلع النولا أوستا تاخد ميعاد لتوثيق الورق , و ميعاد تاني بعده بشهر لاخذ الفيزا
– تعمل قسيمة الزواج و القيد العائلي و شهادة ميلاد كمبيوتر لكل فرد من اللي اتعمل ليهم الضم
– توثق الاوراق دي في الخارجية
– تترجم الاوراق دي من مكتب ترجمة .
– توثق الاوراق دي في الماكتب التابعة للقنصلية الايطالية
– تحدد ميعاد في المكاتب التابعة للقنصلية و تاخدها مع الجوازات و الصور الشخصية عشان تاخدي الفيزا
– الاوراق المترجمة و موثقة دي زي قسيمة الزواج احتفظ بصورة منها عشان بتحتاجها في الكومونا بعد كدا و في استلام الاقامة.

ملحوظة هامة
إحتفظ بجميع الاوراق . و أول ما الزوجة توصل بتروحوا البريفتورا على طول تاني يوم , هيدوك ميعاد و ورقة فيها الاوراق المطلوبة . تجهز الاوراق و تروح في الميعاد تاخد الظرف و تبعته في البوسطة و يبقى كدا قدمتوا ع البرميسو .

لمتابعة حالة طلب الضم العائلى راجع المقال التالى 

https://moghtarben.com/متابعة-حالة-طلب-الضم-العائلى/