الإعفاء من دفع تذكرة التأمين الصحى فى إيطاليا

ESENZIONE TICKET في إيطاليا التأمين الصحي بيدفعك جزء رمزي عند الكشف في العيادات التابعه لهم أو جزء بسيط على قيمة العلاج اللي طبعآ بيدخل جدول الاستحقاق تبع التأمين الصحي. طبعآ الدوله عملت إعفاء من دفع قيمة تذكرة التأمين الصحي في عدة حالات وسنذكر بعضها فى الأمثلة القادمة 

إعفاء رقم E01

 ده إعفاء لكل الأطفال أقل من ست سنوات أو الأشخاص اللي عمرهم أكبر من 65 عام والدخل العائلي لا يزيد عن 36 ألف يورو سنوياً.

إعفاء رقم E02

للعاطلين عن العمل وأفراد أسرهم DISOCCUPATI ودخلهم لا يزيد عن 11 ألف يورو بتزيد بقيمة 500 يورو لأي إبن زياده عن الزوج والزوجة.

إعفاء رقم E03

 وده خاص بالحاصلين على معاش اجتماعي وأفراد أسرهم المسئولين منهم.

إعفاء رقم E04

خاص بالحاصلين على معاش الحد الأدنى لاعمارهم 60 عام وأفراد أسرهم المسئولين عنهم ويكون فيه دخل للأسره بقيمه لا تزيد عن 11 ألف يورو للزوج والزوجه وتزيد بقيمة 500 يورو لأي إبن في الأسره.

  اقرأ أيضا معلومات عن النظام الصحى فى إيطاليا

 ملاحظات هامة  

🔶الدوله كانت بتجدد اتوماتيك الإعفاءات دي لمستحقيها في فترة كورونا السابقه. لكن دلوقتي آخر ميعاد لصلاحية الإعفاءات دي هو 31 مارس الماضي ٢٠٢٢ وبعد كده لازم تتوجه لأقرب ASL تابع ليك وتجدده أو ممكن تجدده أونلاين  وإلا مع أول كشف ليك تبع اي عياده تخضع للتأمين الصحي هتلاقي نفسك مطلوب منك دفع قيمة تذكرة التأمين الصحي.

 🔶فيه بعض المحافظات REGIONE مدت قرار صلاحية الاعفاءات لحد شهر مايو لكن الغالبيه العظمي حتى 31 مارس الماضي وبسبب إجراءات كورونا فيه مكاتب صحه ASL بتقبل التجديد للاعفاءات دي عن طريق الايميل العادي من غير ما تتوجه ليهم بنفسك. لكن يفضل لكل واحد يسأل في المكتب التابع لمحل سكنه.

 موضوع بقلم أ/ محمود عبيد