(الريتشفوتا) فى سؤال وجواب

تعريف الريتشفوتا :
هو الايصال اللى بتستلمه من البوسطه يوم مابتسلم المظروف اللى فيه طلب تجديد الاقامه
*بالريتش فوتا مسموح لك السفر الى بلدك والبقاء خارج إيطاليا مده لا تزيد عن 6 شهور بشرط السفر برحله مباشره (الترانزيت في اى بلد تانى مينفعش)
***
****لو فقدت الرتش فوتا لاى سبب هنا في إيطاليا ماذا افعل؟
توجه فورا لاى قسم بوليس وقدم بلاغ عن فقدانها وبالبلاغ ده هتقدر تتبصم وتستلم الاقامه عادى حتى لو كان البيرميسو القديم ضاع كمان
—لو عايز تنزل مصر بتاخد صوره البلاغ وتروح الكاستوره وتخليهم يختموه بيطلبو منك دمغه ب 20 يورو (ممكن لو قابلت موظف رخم ميرضاش لكن شوف اى حجه زى حد مريض)

**نصيحه :لما تعمل البلاغ متقولشى للظابط كانت في البيت وبدور عليها مش لاقيها او ضاعت في سوبر ماركت لانه ممكن يرجعك كذا مره يقولك دور كويس
لكن قول له انها وقعت مع المحفظه في المواصلات وقولى اى فلوس كانت في المحفظه
————————–————————–————————-
لو ضاعت في مصر اعمل ايه؟
هنا بتبقى صعبه شويه لكن انت بتاخد صوره لها واصل البيرميسو وصوره منه حتى لو منتهى وبتروح القنصليه تبلغ هناك وهما هناك يا بيدوك صوره من البلاغ مختومه علشان تقدر تخرج من المطار يا بيطلبو منك تستنى لحد ميدوك فيزا جديده
–*-*-*-*-*-*-*-*-*-*-*-*-–*-*-*-*-*-*-*-*-*-*-*-*--*-*
هااااااااااااااااااااااااااااااااااااام
لو هتنزل زوجتك وابنك المولود قبل ميستلم اول أقامه خلى بالك ان الطفل ده ملوش اى حاجه تثبت انه معاه أقامه وفى سيدات كتير سابو أولادهم في مصر وجم استلمو الاقامه وبعد كده رجعو جابوهم من مصر
***الحل سيادتك بتاخد صوره للطفل و مارك دى بولو ب 200 يورو وتروح الكاستوره يعملولك ريتش فوتا للطفل لوحده.
————————–————————–———————