ما هى ال730(السته ترنتا) ومن يحق له التقديم ؟
-هي إسترجاع جزء من الضرائب المدفوعه في العام السابق.- لمن يحق التقديم عليها ؟
-من حق أى شخص له كود عن العام السابق وشغل حالى التقديم على طلب ال730 ما عدا أصحاب الشركات. - متى يتم التقديم عليها ؟
-يتم تقديم الطلب في الفترة من 18-4حتى آخر يوليو من كل عام. - ما هى الأوراق المطلوبة للتقديم ؟1-الكود عن العام السابق
2-الكودتش فيسكالى لك ولكل أفراد عائلتك سواء مقيمين في مصر أو في إيطاليا (ممكن تطلع كوديتش فيسكالى لزوجتك وأولادك في مصر عن طريق ترجمة وتوثيق قسيمة الزواج والقيد العائلى .ثم تقديمهم مع صورة منهم لأى مكتب أجنسيا ديلا انتراتا agenzia delle entrate)
3-صوره من عقد الإيجار أو التمليك مع إيصال دفع الإيجار أو صورة من البونيفكو اللى بتدفع بيه الإيجار عن طريق البنك
4-كل الفواتير الطبية عن العام السابق بالإضافة إلى فواتير (سكونترينو) شراء الأدوية والأجهزة الطبية المثبت فيها الكودتش فيسكالى وكل الفواتير المدفوعة في المستشفيات من تحاليل لكشف لو تخطت قيمتهم الكلية 150 يورو.
5-صوره من تأمين السيارة (الأسيكوراتسيونى) الو
رقة المكتوب فيها مقدار ما دفعته عن العام السابق. 6-اوراقك الشخصية كالبطاقة والبيرميسو
7-بيانات الشركة التي تعمل فيها حاليا والتي سيتم إرسال الفلوس عليها
8-لو عندك طفل بيلعب لعبة معينة وبتدفعله إشتراك ليها ترفق فواتيرها
- متى يتم الدفع ؟
-مع قبض بوسته باجا شهر 7 او 8
أو من الممكن تحويل الفلوس على حسابك فى البنك والقبض بيجيلك على 12 او 1 - ملاحظات هامة جداً
-السته ترنتا مش لازم تقبض ممكن يطلع عليك فلوس في حالة إنك في العام السابق إشتغلت في أكثر من مكان أو بأكثر من عقد وتم في نهاية كل عقد دفع المستحقات.
*ممكن للى عنده عائلة فى مصر يعملهم كودتش فيسكالى ويقدم برده على السته ترنتا.
*الشباب الغير متزوج إذا لم تكن لديك شقة إيجار بإسمك وسيارة فنصيحة متقدمش علشان مش هتاخد حاجة.وأخيراً يُرجى إضافة أى سؤال بالتعليقات
فى سنة 2007 عملت فى هذه السنة 6 شهور فقط وحصلت على 1000 يورو تقريبا
وفى 2008 حصلت على 3000 يور
ثم بعد ذلك 300 يورو فقط الى 2015
وعلما بانه لم يتغير اى شئ فى حياتى زوجة وابنائى 2 والسكن ومكان العمل
وعند سؤال الشخص الذى يقوم بعمل 730 لماذا
قال ان صاحب العمل المفروض ان يدفع detrazioni per carichi di famiglio وهذا بند لابد ان يدفعه وموجود فى الكود ثم عند عمل ال730 يعود هذا المبلغ لى
ارجو الافادة وماذا افعل ولكم جزيل الشكر
حضرتك حالك لم يتغير ولكن الدولة تغيرت من جميع النواحى للأسف والقوانين أصبحت تتغير بين اللحظة واللحظة وعليه حضرتك المفروض تراجع مكتب كاف او سيندكاتو أفضل ومعك كل الوثائق وربنا يقدملك كل خير
السلام عليكم ورحمة اللة وبراكاته
اخواني الكرام الأفاضل
كل عام وانتم بخير
لو سمحتو يا اخواني لوفيه احد يقدر يساعدني في الحصول علي تاءشيره عمل الي إيطاليا اكون شاكر لكم
مع العلم اني مستعد لدفع اي مبلغ مطلوب بس يكون في حدود المعقول..وشكراااا لحضراتكم
للأسف الموقع مبيقدمش الخدمة دى يا فندم بس ممكن تراجع موضوعنا طرق السفر لإيطاليا