بونص الكهرباء 2017 “كيف تحصل على تخفيض فى فاتورة الكهرباء شهرياً”

ما هو بونص أو مساعدة  الكهرباء  bonus elettrico 2017 ؟ 
هى المنحة التى أقرتها الحكومة ودخلت حيز التنفيذ بالتعاون بين وزارة الطاقة و المحليات الإيطالية “الكومونى”.

• من المستفيد من المساعدة ؟
  الأسر ذات الدخل المحدود و الأسر ذات الأعداد الكبيرة والأسر التى يكون احد أفرادها من ذوى الإعاقة ومن يعانى من أمراض مزمنة تسلتزم إستخدام أجهزة كهربية متصلة بالكهرباء للحفاظ على الحياة .
• ما هى شروط الحصول على المنحة ؟
  *عقد شقة وعقد كهرباء
  *إقامة فى البلدية المُقدم بها على المنحة .
  *الإيزى أقل من 8.107 يورو 
  *الإيزى أقل من 20.000 يورو فى حالة أن تتكون الأسرة من الأب والأم وأكثر من ثلاثة أولاد.
• الأوراق المطلوبة للتقديم ؟
  *البطاقة الإيطالية “كارتا دى إيدينتيتا “.
  *توكيل حمله من هنا .. دا فى حالة إن اللى بيقدم عقد الكهرباء مش بإسمه .
  *الموديلو A  حمله من هنا بتملاه وترفقه فى الدوسيه.
  *اقرار الدخل الإيزى سارى .
  *موديل CF اللى بيوضح مفردات الإيزى حمله من هنا واملاه .
  *موديل FN وهو اقرار فى حالة إن أسرتك تتخطى الثلاثة أبناء والايزى أقل من 20.000 يورو حمله من هنا .
  * بعيدا عن الطلبات الشخصية انت محتاج كمان بيانات عن عداد الكهرباء نفسه زى كود كدا بيبدأ ب IT الكود مش بيتغير حتى مع تغيير الشركات والكود بتلاقيه فى فاتورة الكهرباء اسمه كودتش POD
• البونص بيتحسب  إزاى ؟
  البونص بيبقى تقريبا خصم 30% من قيمة الفاتورة ودا بيتوقف على عدد أفراد الأسرة المستحقة للمنحة 
  وكان قرار بلدية ميلانو مثلا  لعام 2017 للمنحة كالتالى :
  الأسرة التى لديها من طفل إلى طفلين يخصم لها سنويا   93 يورو 
  الأسرة التى لديها من طفلين إلى ثلاثة يخصم لها سنويا 93 يورو أيضاً
  أما الأسرة التى لديها من ثلاثة أطفال إلى أكثر  يخصم لها سنويا  153 يورو .
  الفلوس دى بتتقسم شهريا على فواتير الكهرباء .
• بتقدم فين على البونص ؟
  فى الكمونة محل السكن أو أى مكتب كاف .
• بعرف أزاى إن طلبى إتقبل ؟
  تقدر تعرف بأكتر من طريقة كالتالى :
  *ترجع مكان ما قدمت سواء الكمونة أو الكاف بريتشفوتا التقديم وتسأل هناك .
  *تطلب الرقم دا 800.166.654 وتديله رقم طلبك والكودتش فيسكالى للى مقدم وهو هيعرفك طلبك وصل لحد فين . 
  *تدخل الموقع دا http://www.bonusenergia.anci.it/ 
  وبعدين تدخل القسم دا Controlla on line la tua pratica
  وتدخل اسمك ورقمك السرى اللى بتاخدهم وقت تقديم الطلب وهيظهرلك حالة طلبك . 
• البونص مدته أد إيه ؟ 
  البونص مدته 12 شهر وبيتجدد كل سنة قبل شهر من موعد إنتهائه فى حالة عدم تغير أى شئ سواء محل الإقامة أو الإيزى وقيمته .
• فى حالة تغيير شركة الكهرباء هل بيتأثر البونص ؟
  إطلاقا البونص بيستمر دفعه عادى بشكل طبيعى جداً .ملحوظات هامة : بالنسبة لأصحاب الأمراض المزمنة لا يلزمهم الإيزى ولكن يلزمهم التالى :
  *شهادة من الأزل تفيد المرض ونوعه .
  *شهادة تفيد نوع الجهاز العلاجى المستخدم والذى يعمل بالكهرباء وعدد ساعات عمله وتحديدها يوميا.
  *العنوان الذى يتم إستخدام هذه الأجهزة به .

  ***على كل مغترب الرجوع إلى البلدية حيث يقيم ويقوم بالإستفسار عن البونص حيث تختلف القيمة من منطقة إلى أخرى .

  إنتظرونا فى موضوعنا القادم وبونص الغاز ولا تنسى إبداء رأيك ومشاركة الموضوع