بونص اسبيزا2022 BONUS SPESA
بونص اسبيزا هو مساعدة ماديه لكل الأسر عباره عن تذاكر لشراء مواد غذائيه من السوبر ماركت المتعاقده مع الكمونه أو .مجلس المدينة MUNICIPIO
وكانت الحكومه الايطالية قد أعلنت عن دعم المحافظات للتقديم على البونات الخاصه بالأكل والشرب بداية من منتصف شهر نوفمبر الحالى وهتكون المساعده بحد أقصى ١٤٠٠ يورو على دفعتين للأسر وذلك على حسب حاجة وظروف كل أسرة.
كل كمونه COMUNE هيكون ليها كل الصلاحيات في شكل وطريقة التقديم وكمان الشروط ممكن تختلف من مكان لمكان وفيه بعض الكومونات بدأت بالفعل إستقبال طلبات البونص اسبيزا من المواطنين.
شروط التقديم على مساعدة بونص اسبيزا ؟
- في الغالب الشروط الأساسيه للتقديم هتعتمد على الايزي ISEE أو الدخل بتاعك واحتمال طبعا الإفصاح عن المبالغ الماليه الموجوده في حسابك البنكي
- طبعاً مش كل الناس هتحصل على المبلغ ١٤٠٠ يورو الحد الأقصى لإن هتختلف من كل أسره على حسب عدد أفرادها والدخل بتاعها ولذلك هتتراوح قيمة المساعده من ١٠٠ يورو كحد أدنى وفي حالات الأسر ذات الأعداد الكبيره والدخل منعدم هتكون من ٦٠٠ إلى ٧٠٠ يورو لمدة شهرين
- إحتمال كبير بعض الكومنات ترفض أي حد هيقدم على المساعده (بونص اسبيزا) طالما بياخد دخل المواطنه RDC لكن هننتظر الأول إعلان كل كمونه على الشروط بشكل رسمي
هل كل الكومونات هتقدم مساعدة بونص اسبيزا ؟
لو عاوز تعرف الكمونه بتاعتك هتدعم البونص اسبيزا ولا لأ وهل بدأ التقديم فيها ولا لسه ؟ قدامك حل ممكن تتبع الإجرائات التالية :
– تروح بنفسك لحد الكمونه وتسألهم
– تتواصل مع الكمونه التابعه ليك عن طريق الإيميل
– تتواصل مع الكمونه التابعه ليك عن طريق الفيس بوك لو عندهم صفحه ممكن ترسل ليهم رساله
– تكتب إسم الكمونه بتاعتك على محرك البحث جوجل وتدخل على الموقع الرسمي ليهم وتشوف آخر الإعلانات او التنبيهات او تختصر أكتر المسافات وتكتب في شريط البحث بتاعهم BONUS SPESA وطبعاً هيظهر لك كل ما تم الإعلان عنه بخصوص المساعده وتشوف آخر تاريخ حديث وتتابع إذا كانوا أعلنوا ولا لأ
كتب المقال : محمود عابد
