موضوع تغيير الاسم ايطاليا
اولا علشان تغير اسمك انت من نفسك بيبقي موضوع صعب شويه ومحتاج وقت ومصاريف انت في غني عنها.اما عندما يتم تغيير الاسم من جهه الكويستورة مثلا بيبقي الموضوع مختلف شويه….
متي يتم التغير ولماذا؟؟
موضوع تغير الاسم بيتم عن اتفاق بين جهتين مهمين
الجهه الاولي وهي الجهه المصريه ومتمثله في وزارة الخارجيه.
والجهه الاخري وهي وزارة الداخليه الايطاليه شئون الاجانب.
امثله علي ذلك
كان اوقات بيبقي اول ثلاثه اسامي اسم والاخير اسم عائله.
واوقات كان اخر اسم عائله واول اسم فقط هو اسمك.
واوقات كان الاسم الاول اسم والباقي اسم عائله.
حاليا بعد ان تم تفعيل جوزات السفر المميكنه اصبح ينفصل اسم العائله عن اسم الشخص.
في حاله انه يتم تغير اسمك تعمل ايه؟؟
وانت بتستلم الاقامه في الكويستورة بيبلغوك بالتغير الي حصل وهما بيبعتوا للاجنسيا ديل انتراتا انه تم تغير اسمك والكودتش فيسكالي الخاص بك..
بتعمل الخطوات كما يلي:
عليك بالذهاب للقنصليه المصريه لعمل شهادة بيانات تثبت بها ان الاسمين لشخص واحد.
توثيق الشهادة من البريفتورة وعليك اعطائها حين تطلب منك لعمل الكودتش فيسكالي وايضا البطاقه الشخصيه ورخصه السياقه وكل اوراقك يتم تغيرها.
وبناءاً عليه يتم دمج الاتنين كودتش فيسكالي الخاص بك بحيث لا تخسر شيئا من الضرائب التي تم دفعها طوال السنين السابقه.
أولآ أشكركم على المجهود اللى بتقومو به ولكن عندى ملاحظه وهى جملة تغيير ألأسم جمله مبالغ فيها ويفضل تعديل أو تقصير أو أختصار الكونيومى لأن تغيير ألأسم مانو يقومون بعمله اليهود فى أواخر الثلاثينيات للتحايل على أضطهاد الفاشية والنازيه مجرد ملاحظه وشكرآ
ملحوظة تأخذ بيعين الإعتبار يا فندم ولكن التقصيير يعتبر تغير فى الإسم ومادام وصل الغرض من العنوان إلى حضرتك فاعتقد مفيش مشكلة وان شاء الله نحاول تكون العنواين أوضح المواضيع القادمة وشكرا لتعليق حضرتك