فيزا السياحة والعمرة من إيطاليا للسعودية

فيزا السياحة والعمرة من إيطاليا للسعودية تقدر تاخدها بكل سهوله لو كنت مقيم دائم في ايطاليا ومعاك إقامة دائمة فى ايطاليا او الاتحاد الاوروبى.

خطوط الطيران المسموحة للسفر من ايطاليا للسعودية 

هتسافر علي خطوط الطيران دي ( السعوديه ناس اديل مصر للطيران ).

مدة الفيزا

الفيزا هتاخدها بسنه تقدر تدخل السعوديه وتخرج براحتك تماما وتعمل عمره طول السنه ماعدا الحج والعمره وقت الحج

ليك في كل سفريه للسعوديه اقامه ٩٠ يوم عند اليوم ال ٩٠ لازم تعمل مغادره من السعوديه وترجع تدخل تاني ٩٠ يوم وهكذا

تكاليف فيزا العمرة من إيطاليا للسعودية 

تقدر تاخد الفيزا دي اونلاين بكل سهوله من خلال الضغط هنا وتقدر تاخدها عند الوصول اول متدخل المطار بتاخدها تمنها ٤٨٠ ريال و باليورو  ١٣٠ يورو والدفع يكون من خلال كارت البنك فيزا او ماستر كارد او اى نوع كارت بنك .

شكل الفيزا اللى بتاخدها عند الوصول فى المطار 

المرافقين المسموح لهم بالحصول على فيزا السياحة من إيطاليا للسعودية 

طيب هتروح لوحدك ؟ متبقاش حلوه الا بالمه تقدر تاخد مين بقا

تاخد اقارب درجه اولي ليك اللي هما مين ( الاب الام الزوج الزوجه الاولاد )
طيب دول معهمش اقامه ولا دخلو ايطاليا ؟ عادي جدا المهم انت معاك وبياخدوها بسنه زيك
شرط اللي هيسافر عليك لازم يسافر معاك اول سفريه بعد كده يقدر يسافر من غيرك عادي.

التنقلات فى السعودية 

التنقلات هناك متوفره طبعا بس لازم تفاصل لو اخدت تاكس

القطر السريع اسمه قطر ( الحرمين ) سريع وسهل وجميل جدا ماشاء الله بس نصيحه احجزه من بدري عشان تلاقي حجز وعشان توفر في السعر.

السكن فى السعودية 

السكن مفيش اكتر من الاوتيلات ماشاء الله علي كل المستوايات الغالي والرخيص القريب والبعيد بس نصيحه بردو احجزهم من بدري عشان توفر في السعر بردو تقدر تحجزه من بوكينج واختار اوتيلات فيها الدفع عند الوصول بيخدو منك المبلغ المحدد مش بيزودو عليك حاجه وقت التسكين.

نصائح هامة وقت العمرة  

وانت في المطار نزل برنامج نُسكْ (آيفون أو أندرويد )  وحاول قبل متخرج من المطار تاخد معاد للروضه لو عطاك معاد تمام قالك غير محدد الهويه او الديانه يبقي كده في مشكله
تعمل ايه بقا ؟ ممكن ترجع لمكتب السياحه اللي عطوك الفيزا وتقولهم حلولي المشكله دي عشان يحددو علي الكمبيوتر انك مسلم وتقدر تزور الروضه

طاب لو معملتش الخطوات اللى فاتت ؟

للاسف مش هتقدر تزور الروضه للسبب ده وحاولت كتير اتصل بوزارة السياحه عشان احلها ومتحلتش وقالولي العيب من عندنا فى موضوع الديانة ولسه بنجرى تعديلات .

وعمره مقبوله مقدما لكل من نوي تأديتها

لمعلومات أكثر عن زيارة المملكة من الموقع الحكومى السعودى اضغط هنا